Kolong ang'orot, apotu ng'itieng lu ayakatar ng'amwar totiakut akiwakin ekiriam kech kidiama lomoru. Epeyounito kechi ng'itieng luche lu ang'amwar. Amam ng'iche epeyounitoe.
Na eirarea ekurung'oit ng'akiro ekiriam kang'olo, kitamaki ng'esi tama, "Amakar ayong ng'amwar. Ekokini ayong ai?"
Akwar nache, toriam ng'esi atamet. Edupakini ng'amwar ng'adi nakou keng ang'amanokio!
Apotu tosubakinos nabo toyen ekurung'oit atamar aos ng'esi aloger epeyounere lokiriam ng'olo. Echanit lo ayei aria ni arakar diyete akolong ewakinitae ekiriam.
Adoliet ekiriam ni eriraunia, apotu ng'amanokio kisiakis akeeyar sodi ng'amwar todotunos. Tobul ng'itieng luche lu ayakatar ng'amwar. "Ng'ae ng'ini emakar ng'amwar? Kotere nyo abunio ng'esi nege?" king'itakinos kechi.
Totiaku ekapolon ang'itieng tama, "Tokoputu ekurung'oit sodi tachakasi ng'esi kwap." Tokoput kechi ekurung'oit dio tachakasi kwap.
Tachakun ekurung'oit todo kwap alokume keng. Abu ekume keng tadapalal.
Kong'ina, kuria nyikibul nacha ing'olikinia ekurung'oit edapal ekume, kotere ikoni neni anyoun ng'irwa ng'ulu.