Ngihla endaweni ebizwa ngokuthi yiKakuma. Indawo le izele ngemithi neembuzi ezinengi kunabantu. Endaweni yamavikili kuthulie begodu namavikili awsimanengi. Abantu baberegisa iintsikiri njengesthuthi.

Ngelinye ilanga ekseni umma wangibiza wathi, "Etabo, namhlanjesi uneminyaka eyisthupha," ngikuthengele isipho. "Khuyini khuyini, "ngabuza ngethabo elikhulu ngifuna ukwazi bonyana yini. "Kusasa sizokhamba ngebhesi siye esthabathabeni seentolo e Eldoret," kwaphendula umma, "begodu sikhamba nawe." Kwakulilanga lami lokuthoma ngisiya eDorobheni, khabe ngithabe khulu begodu azange ngilale ngobusuku lobo.

Ngelanga elilandelako esitopeni seembesi ngajama hlangana nomma nomani, bengimbethe iskipa esibovu nebrugu elibovu zizitja. Ngazizwa ngimncani khulu hlangana nomamami onganamzimba begodu omude nomanami onomzimba omkhulu.

Ibhesi ebesikhamba ngayo khabe izele, ngalokho ke kwakose ngihlale phezu komma. Ngadinwa ngomtjhiso nethabo elikhulu ebenginalo. Ngalala indlela yoke khange ngibone litho.

Ilanga lasele liphuma nasifika esthabathabeni seentolo e Eldoret. Sathi sifika emnyango kwaku nomma othengisako, ekhoneni kunabo baba ababili balungiselela ukubekaphasi amabhutatabo. Kwelinye ikhona kwaku nomma omfitjhani obekephethe isphaphamtjhini esihlaza sokudlala. "Mma mma, cala isphaphamtjhini," kodwana umma wangidosa sakhamba.

Ngaphakathi kwevikili bekunendawo lapho kuthengiswa khona imihlobohlobo yeenthelo nemirorho. Eminye imihlobo bengithoma nokuyibona. "Zibizwa ngokuthiwa yini iinthelo lezi," ngabuza umma. Wakhomba kokhunye, "Lokhu ma orentji nama guwava." Ngajika ngathi, "Bese yini lokhu."

Kuzo zoke iinthelo ebezikhona ngathanda amahabhula, ngathanda ngendlela ebekabumbeke ngako nombalawo. Ngazibuza bona kazi anambitha njani. Ngajika ngacala umma ngathi, "Ngibawa ungithengele linye."

Ngemva kokungithengela i habhula ngalisa isandla sakamma, ngabamba ihabhula ngezandla zami zombili ngalidla. Azange khengizwe ubumnandi besthelo ngendlela engathokoziswa yihabhula. Koke ebengikukhathalela yihabhula.

Nangiceda ukudla ihabhula, ngacala phezulu ngithi ngifuna ukukhuluma nomma, kodwana bekangekho ecadikwami. Ngacala ngesandleni sokudla nangesinceleni, kodwana bekangekho. "Azange ubone umma," ngabuza umma ebekase cadikwami athengisa amazambana. Azange banginake ngathoma ngasikhihla isililo.

Ngemva kwesikhatjhana umma loya othengisa amazambana wangibamba ngesandla wangisa kwenye indawo lapho bekunabanye abentwana. Ubaba omkhulu neendevu ezinengiwangibuza wathi, "Ungubani ibizo lakho msana?" "E-ta-bo," ngaphendula ngesililo.

Ngazibuza ukuthi ingabe abentwana bayathengiswa evikilini leli. Ngathula azange ngisalila, ngacalacala ukubona bonyana ukhona ozokuthenga abentwana ba ebenginabo. Ngemva kwesikhatjhana umma omunye wangena ngekumbeni ebesikiyo wathatha munye umntwana. "Ngizobona ngomunye umntwana ozokuthathwa," ngathoma ukusikhihla islilo.

Nangizwa ubaba loya wendevu ezikulu asithi, "Uphi u Etabo?" ngalila khulu. "Angifuni ukukhamba nawe ngabaleka."

Umma no mani bezwa ibizolami bangena ngekumbeni. "Etabo, Etabo!" izwi engilaziko labiza. Bekungumma.

Ngavuka ngajama ngaya kumma, umani wathi, Etabo besizumana nawe, sifuna ukukunikela isipho sakho, ebhegeni ekulu wakhipha isphaphamtjhini esihlaza sokudlala wathi ngesakho.