N'wa hawu awa kari a hanya laha mbirini ya chongo. Laha ci kari ka congo akuhi ni ci tikwana. A misinya ya mihanzu ayihi kona lomu ka ci tikwana leco.
N'wa hawu awa lava aku ya ga a mihanzu ya khwati. Yena a wonili a ribze ga hombe laha ci kari ka congo a gama a pimisa aku thlula laha hehla ka gona, hiku gumesa a wa ta thlula kala le citikwanini.
A thlulili le moyeni a gama a jatama laha ka ribze. A gama a thlula kambi kala le citikwanini. A tsakili hi kuga a mihanzu ya khwati a gama aya kaya. A mahili lezvu hiku tala ka masiku.
Kanilezvi n'wa ngwenya awa kari a tsama lomu matini ni sati wakwe. A sati wakwe aku ngalu: Muranziwa, wena kulava aku u famba uya etlela laha ka ribze. A muvala wa miri wakwe a wu fana ni wa ribze.
A nzaku ka masikunyana, n'wa ngwenya a wonili n'wa hawu na a wuya kambe le citikwanini. Yena a nomili laha ka ribze a gama a peta a hloku lomu matini.
N'wa hawu loku a mbetili a kuga a lavili aku thlela kaya. Kanilezvi a ribze a gihi ga hombeaku hunzeleta, hiku maha loku, yena a wulawulili ni ribze: N'wa ribze, ku khwatsi u kulili. U muneni ke?
N'wa ngwenya awa fayeli, a pimisili a ribze ga wulawula. Hikumaha loku, yena a hlamulili n'wa hawu aku: Nzi wa hombi hiku kunani ngwenya ya hombi yi nzi etlelelaku.
A hawu yi ti ngalu: Hesawu n'wa ngwenya, mina nza zvi tiva aku wena u lava aku nzi ga. Mina nzi kumbili, wena u nga ga a miri wa mina. Kanilezvi, nzi lava aku salisa a vana va mina laha ka sinya lowuya. Hikumaha loku, n'wa ngwenya amu khiletili laha ka hlan'a wakwe!
Loku va txikelili seyu, n'wa hawu a nomili le sinyeni a gama aku ngalu: Nzi bongili aku nzi khileta sawena mungana. Hita wonana, zvezvi famba kaya. Kanilezvi, n'wa ngwenya ati ngalu kakwe: U nzi tsembisili.
N'wa hawu anu hleka a gama aku ngalu: Aku fayela ka wena ku mahili u kholwa ka mina! A gama a lahleka lomu ka ti davi ta sinya. N'wa ngwenya anga zvangi amu khomili n'wa hawu waku tala hi wutlari!