Boro kulu ga bay kaŋ niine kuku no ce-beeri se.

Amma, waato ce-beeri niine pato no a se kaŋ ga warga. A go day taamu calle kaŋ go ga dake a monduma boŋ.

Han fo, ce-beeriize fo kaŋ ga sootiya gumo hay. Alman fo kulu a gonda hari kaŋ a ga ba nga ma a hã.

Hari fo go no kaŋ a ga ba nga ma bay ganji-yo ga. A ne a se: "Ifo se ni jinda ga ku?"

Hari fo go no kaŋ a ga ba nga ma bay biɲɲa ga. A ne a se: "Ifo se ni hinja te lolo haali?"

Hari fo go no kaŋ a ga ba nga ma bay baŋa ga. A ne a se: "ifo se moyey ga ciray?"

Hari fo go no kaŋ a ga ba nga ma bay kaaray ga. A ne a se: "Ifo no kaaray ga hawru nda?"

Ɲaŋo ne a se: "Ni ma si ye ga hããyaŋey din dumi te." A na monduma daŋ care ra, a na nga banda bare.

Amma gaaru kaŋ ga caram gumo ne: "Iri ma koy isa me. Da ni koy no-din kulu ni ga di hari kaŋ kaaray ga hawru nda."

Ce-beeriizo na gaaru gana kala isaa me.

I na saajo taaru ga ka ga kay isa jabo ga. I go ga haro guna. Man ga no kaara gana?

Tondi fo kaŋ go haro me ne: "Araŋ go baani." Ce-beeriizo tu a se: "Baani samay, hambagar nig a hin ga ci ay se hari kaŋ kaaray ga hawru nda?"

Tondo ne a se: "Gungum, ay ma a ci ni se." "Ce-beeriizo gungum kala ganda, kala nangu kaŋ."

"Cip!" kaara na a di niina ga. Gaaru ne a se: "Kaaray, ifo no ni ga hawru nda?"

Ce-beeriize goro nga cey boŋ, a candi, a candi, a candi; amma kaara mana a taŋ.

Ce-beeriizo niina ku, ga ku, ga ku kala nangu kaŋ "Buf", a koy ga kaŋ banda-daaro boŋ.

Kaaray bina sara kaŋ se a hawra koma a se, a ye haro ra.

Ce-beeriizo na nga niina guna. A si hin ga di niina me.

Niina ku kala a ga hin ga tuuriize kaŋ go tuuri kambe kuku ga kosu.

A ga hin mo ga a daŋ ga hari ku ga say nga boŋ ga, dungay waate.

Za han din no ce-beeri gonda niine kuuku, a ga a nafa gumo.