Wundu yaye nojǝna kǝmagǝn kinja jauro kuruwuaro.

Kuren kinja kǝmagǝnne kura ye kori ye. Kamar suno dawu fǝkkanjuyen gai.

Yim laa tada kǝmagǝnne ndoroma laa katambo. Lǝman fi yayero koro cǝddi.

Kaɍimo karaayea ajapken. "Awiro daunǝm kuruwudǝ?" yeno.

Anjǝrrero: "Awiro kangadinǝmdǝ tǝlambadǝ?"

Ngurtuyero: "Awiro simmǝm kimedǝ?"

Karambea ajapken. "Awi kǝmbo karambe wo?"

"Bare koro ania dimmi!" cǝne yanju fǝkka kǝrje sapkada.

Ngurusu burwoaye tadadǝro wuljiyi: "Sǝgai wua ngadaro. Awo karam jǝwuidǝa rumi yeno."

Tada kǝmagǝnne ngurusua ngadaro jǝgane leyen.

Kajaɍa lanje jawal gǝnaje, ci ingiyen ise dayen. Curo ingiye niniyen. Nda karamdǝ yeno?

"Nda wadu?" yeno kau laa ci ingiyen. "Wadu kǝlewa" yeno tada kǝmagǝnne. "Waneye rangǝme awo karam jǝwidǝa wulsǝgǝmi wa?"

"Ngune wuljǝgǝkke" yeno kaudǝ. Cidiyane, cidiyane yenniya, tada kǝmagǝnne jauro nguyen.

Karam rap kinjanjudǝa sheɍin kida. Karam awi kǝmbonǝmbo? Cǝne tia ngurusu kiworo.

Tada kǝmagǝnne njolje, kassi, kassi nga karam kolduro wayen.

Tada kǝmagǝnne kinjanju kasse kasse lande, har bim wajallo kawuro.

Karam karwu kuttua kǝmbonju fǝrǝssǝnadǝro ingin lǝpte sapkada.

Tada kǝmagǝnne kinjanju kirunniya tǝlamdǝ bawo.

Jauro kuruwudǝ nangaro tadakǝska dǝlam semeyema cǝwurdi.

Sa kausua wa tilan kasaldi.

Tǝn yimdǝn kǝmagǝn samma kinja kuruwu cada. Jauro tairo faidaa.