Nyallaande ceeɗu wulnde gooɗom non nder ladde yoorunde.

Ɗayel pamarel gooɗom ngel heɓaay ndiyam balɗe ɗuuɗuɗe nii.

"Miɗo haajaa waadere ndiyam, baa nde e kaakolol nde toɓɓotoo non."

Ammaa baa caawan walaa.

Ɗayel pamarel ngel wi'i "Se mi yaraay ndiyam fuu naa mi waatu." "Mi yahan weendu ndu nanan-mi filla muuɗum nduu."

Giisoore hakkillanteere gooɗom wi'i mo: "Weendu ndun no dillidan e maaɗa."

Ammaa ɗayel pamarel ngel ɗomɗaama sanne. "Mi waatan se mi yaraay ndiyam."

Ɗayel pamarel ngel yahi filowii weendu ndun.

Nder huɗo yoorko e ley licce ƴoorɗe.

Faa to ngel maati ndiyam weendu ndun.

Ɗayel pamarel ngel yari sanne ndiyam peewudam.

Seho naati-ngel faa to ngel yi'aay wenkeƴere no ɓantii warde.

Ɗayu ngun filii faa happa huɗo yoorko wonuko no doya yeeso maggu. Ammaa ndiyam yahdii e maggu.

"Faaba. Paabee kam ngam alla."

Say tan wuugaandu, no wuufi liccal wi'i "Law, yowa."

"Mi waawaa dillude se mi yettaay wuugaandu. Mi dooman faa nde ndu wortoy ndu yara."

To ngu tawaa igu doomi ɗon, nyannde gooɗom, say sukaaɓe worɓe ɗiɗo njottii no njogii pettorkoy kaaƴe.

Go'oto maɓɓe wi'i: "Wuugaandu mawndu gooɗom no wara doo faa yara." "En keɓanndu ngaɗen hiraande futuro oo."

"Mi waawataa accude sukaaɓe worɓe ɓee mbara wuugaandu ndun. Ammaa miɗo famɗi sanne, noye mbaawu-mi waɗude?"

Wakkati oon daa wuugaandu ndun jippi lekki faa yara.

Ɗayel pamarel ngel yi'iti dabare gooɗom.

Ngel diwi ngel seŋii e koyngol go'oto nder sukaaɓe worɓe ɓen nden ngel ŋati haaddi no ngel waawiri fuu.

Suka gorko on diwi. "Ay!" O haacci.

Wuugaandu ndun huli nden fiiri naatowi nokku to hoolii.

Non en yaakay nii ɗayel pamarel ngel yettiri wuugaandu ndun ko ndu faabinoo yanki maggel.