Naka na Nala vha guda nga ha mulilo
Glanice Masilo
Sibusiso Khumalo
Tshivenḓa
First paragraphs
Nala u a huwelela, “Ṱavhanyani Naka, ri ḓo lenga tshikoloni!”
-
Naka u ri, “Ndi khou pfa phepho! Kha ri imenyana ri vhase mulilo ri dudele.”
1
Nala a vhudzisa, “No hangwa uri makhadzi vho ri ri songo tamba nga mulilo?”
-
Naka a fhindula, “Ndo vha pfa, fhedzi a ri ho nḓuni!”
2
Nala u ri, “Ri tshiṱaraṱani, fhedzi zwi kha ḓi vha na khombo. Mulilo u nga phaḓalala nga u ṱavhanya wa tshinyadza.”
-
Naka u elekanya ngazwo.
3
Naka u ri, “Fhedzi kale ho vha hu tshi shumiswa mulilo u vhasa na u vhonetshela. Vhathu vho u shumisela u bika, u dudedza, na u vhonetshela.”
4
Nala a fhindula, “Mulilo ndi wa ndeme, fhedzi zwi a konḓa u u langa. Ndi ngazwo makhadzi vho ri vhana vha songo funga mulilo. Ri tea u ṱhogomela.”
5
Nala a isa phanḓa, “Muḓagasi wo tsireledzea, a u tshikafhadzi u fana na mulilo wa khuni kana malasha.”
-
A dovha ari, “U fhisa zwenezwo zwivhaswa zwi tshikafhadza mupo.”
6
Naka a vhudzisa, “Ni a ḓivha uri mulilo u thoma hani?”
-
Nala a ṱalutshedza, “Musi tshivhaswa na muya zwi tshi vanganywa, zwi ita ṱhase. Mulilo u thoma ngauralo.”
7
“Muya na tshivhaswa zwa vanganywa kha thempheretsha yo teaho, mulilo u a funga. Sa tsumbo, u swoṱa thanda mbili kana u funga metshisi.”
8
“Mulilo u bvisa vhutsi,” ndi Naka.
-
Nala a tenda, “Ee, ndi ngazwo ri songo tea u funga mulilo nḓuni. U fema vhutsi zwi nga ri lwadza.”
9
Nala na Naka vha tshikoloni.
-
Nala a mu sevha, “Ni songo sia khanḓela kana mulilo hu si na muthu. Mulilo u nga fhisa nnḓu na vhathu!”
10

——Mbudziso


  1. Ndi nnyi a ṱoḓaho u vhasa mulilo, ndi ngani?
  2. Ṅwalani nḓila tharu dza u shumisa mulilo.
  3. Ṅwalani khombo tharu (3) dza mulilo.
  4. U ‘tshikafhadza mupo’ ndi mini?
  5. Ṅwalani nḓila mbili dza u dzula wo tsireledzea kha mulilo.
  6. Wanani ipfi ‘mulilo’ nga dziṅwe nyambo tharu. Shumisani eneo maipfi u ola tshifanyiso.
11
Attribution CC BY
Your attribution should include the following:
Title: Naka na Nala vha guda nga ha mulilo
Author/s: Glanice Masilo
Translator/s: Doris Manyamalala
Illustrator/s: Sibusiso Khumalo
Assurer/s: Tshedza Tlhako
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator