Naka naNala bakhuluma ngemlilo
Glanice Masilo
Sibusiso Khumalo
Siswati
First sentences
“Phangisa Naka, sitawufika ngemuva kwesikhatsi esikolweni!” kumemeta Nala.
-
“Ngiva emakhata! Asime kancane sibase umlilo kute sifutfumale,” kusho Naka.
1
“Sewukhohliwe yini kutsi anti watsi singabodlala ngemlilo?” kubuta Nala
-
“Ngiyakhumbula, kepha asikho ekhatsi endlini!” kuphendvula Naka.
2
Nala utsi, “Yebo sisemgwacweni, kepha kuyingoti nalapha. Umlilo ungabhebhetseka masinyane, bese ubanga umonakalo lomkhulu.”
-
Naka uyacabangisisa ngaloku.
3
“Kepha kadzeni bonkhe bantfu bebasebentisa umlilo kuphela kute babase futsi bakhanyise. Bantfu bebawusebentisela kupheka, kutifutfumeta kanye nekukhanyisa,” kusho Naka.
4
Nala uyaphendvula, “Yebo, umlilo ulusito lolukhulu, kepha kumatima kuwulawula. Nguleyondzaba anti atsi bantfwana akukafaneli bawubase umlilo. Wonkhe umuntfu kufuneka anake.”
5
Nala uyachubeka, “Gesi uphephile kunemlilo futsi awungcolisi njengekubasa ngetinkhuni nobe emalahle.”
-
“Kubasa tinkhuni kanye nemalahle kungcolisa umoya,” kwengeta Nala.
6
Naka uyabuta, “Uyati yini kutsi umlilo ubaswa njani?”
-
“Ngaletinye tikhatsi ubakhona lapho tinkhuni nobe emalahle kuhlangana nemoya, bese kubakhona tinhlase. Utfungeleka njalo-ke umlilo,” kuchaza Nala.
7
“Nangabe umoya netinkhuni kuhlangana ngekushesha endzaweni leshisako, lilangabi lemlilo liyatfungeleka. Nasi sibonelo, kuhlikihla tintsi ndzawonye, nobe kulayida umetjiso.”
8
“Umlilo ukhipha intfutfu,” kusho Naka.
-
Nala uyavuma, “Yebo, leso ngulesinye sizatfu lesenta singawubasi umlilo endlini. Kuyingoti kuphefumula intfutfu.”
9
BoNala naNaka sebasesikolweni.
-
“Khumbula, akukafaneli ulishiye livutsa likhandlela. Umlilo ungayishisa indlu kanye nebantfu!” kucwayisa Nala.
10

——Imibuto


  1. Ngubani lofuna kubasa umlilo, futsi kungani?
  2. Bala imisebenti lemi-3 yemlilo.
  3. Bala tinkinga leti-3 temlilo.
  4. Kuyini ‘kungcolisa umoya’?
  5. Bala tindlela leti-2 tekuphepha emlilweni.
  6. Tfola ligama lelitsi ‘umlilo’ kuletinye tilwimi letintsatfu. Dvweba sitfombe lesinelamagama.
  7. Khuluma ngaletinye tinhlobo letintsatfu temlilo.
  8. Chaza tindlela letine letisetjentiswako kucisha umlilo.
11
Attribution CC BY
Your attribution should include the following:
Title: Naka naNala bakhuluma ngemlilo
Author/s: Glanice Masilo
Translator/s: Simangele Khoza
Illustrator/s: Sibusiso Khumalo
Assurer/s: Mduduzi Benjie Shongwe
Language: Siswati

© Zenex Foundation - Saide 2025 (Updated Edition)

CC BY includes the following elements:
 BY   – Credit must be given to the creator