Naka le Nala ba ithuta ka mollo
Glanice Masilo
Sibusiso Khumalo
Sepedi
First paragraphs
“Naka, phakiša, re ilo šalela sekolong!” Nala a goeletša.
-
“Ke kwa botšididi! A re eme re gotše mollo gore re ruthele,” Naka a realo.
1
“Na o lebetše gore rakgadi o rile re se ke ra raloka ka mollo?” Nala a botšiša.
-
“Ke a gopola, efela mo ga se ka ntlong!” Naka a araba.
2
Nala a re, “Re mo mmileng efela le gona go ka ba kotsi. Mollo o ka phatlalala ka lebelo gomme wa hlola tshenyo ye kgolo.”
3
“Kgale mollo e be e le mothopo o nnoši wa phišo le seetša. O be o šomišwa go apea, go ruthufatša le go bonegela,” Naka a realo.
4
Nala a fetola, “Mollo ke sedirišwa se bohlokwa efela ga o laolege. Ke ka lebaka leo rakgadi a rego bana ba se ke ba gotetša mollo.”
5
“Mohlagase o bolokegile ebile o hlwekile go feta dibešwa tša go swana le dikgong goba malahla.”
-
“Go šomiša dibešwa tšeo go hlola tšhilafatšo ye ntši ya moya.” Nala a tlaleletša.
6
Naka a botšiša, “Na o a tseba gore mollo o thoma bjang?”
-
“Ka nako ye nngwe ge sebešwa se hlakana le moya, di hlola mollo. Ke ka mokgwa woo mollo o thomago ka gona,” Nala a hlaloša.
7
“Ge moya le sebešwa di hlakana ka lebelo ka phišo ya maleba, kgabo e thoma go tuka. Mohlala, kgohlagano ya dikota goba go kgwarinya mankgwari.”
8
“Mollo o ntšha muši,” gwa realo.
-
“Ee, ke ka lebaka leo re sa swanelago go gotetša mollo ka ntlong. Ga se gwa bolokega go hema muši,” Nala a dumela.
9
Nala le Naka ba fihlile sekolong.
-
“Gopola, o se ke wa tlogela kerese goba mollo o tuka ntle le tlhokomelo. Mollo o ka fiša dintlo le batho!” Nala a mo lemoša.
10

——Dipotšišo


  1. Ke mang yoo a nyakago go gotetša mollo? Ka lebaka la eng?
  2. Efa mehola ye me3 ya mollo.
  3. Efa mathata a ma3 ka mollo.
  4. Hlaloša tšhilafalo ya go hlolwa ke mollo?
  5. Efa ditsela tše 2 tša polokego ya mollo.
  6. Hwetša leina la ‘mollo’ ka dipolelo tše dingwe tše tharo. Thala seswantšho ka mantšu.
  7. Bolela ka mehuta ye mengwe le ye mengwe ye meraro ya mollo.
  8. Hlaloša mekgwa ye mene ye e šomišwago go tima mollo.
11
Attribution CC BY
Your attribution should include the following:
Title: Naka le Nala ba ithuta ka mollo
Author/s: Glanice Masilo
Translator/s: Dikeledi Queen Shai
Illustrator/s: Sibusiso Khumalo
Assurer/s: Connie Makgabo
Language: Sepedi

© Zenex Foundation - Saide 2025 (Updated Edition)

CC BY includes the following elements:
 BY   – Credit must be given to the creator