UNaka noNala bakhuluma ngomlilo
Glanice Masilo
Sibusiso Khumalo
isiNdebele
First paragraphs
“Yenza msinya Naka, sizokuladelwa esikolweni!” kutjho uNala.
-
“Ngiyagongobala! Asijame sibase umlilo sizifuthumeze,” kutjho uNaka.
1
“Ukhohliwe bona ukghari usitjele bona singadlali ngomlilo?” kubuza uNala.
-
“Ngimzwile, kodwana asisingendlini!” kuphendula uNaka.
2
UNala uthi, “Sisendleleni, begodu kusese nobungozi. Umlilo ubaleka msinya, begodu ungenza umonakalo omkhulu.”
-
UNaka ucabanga ngalokhu.
3
“Kodwana ekadeni, umlilo bekungiwo kwaphela osisetjenziswa sabo boke abantu sokwenza umtjhiso nokukhanyisa. Abantu bebawusebenzisela ukupheka, ukuzifuthumeza kanye nokukhanyisa,” kutjho uNaka.
4
UNala uyaphendula, “Umlilo sisetjenziswa esilisizo, kodwana kubudisi ukusilawula. Kungakho ukghari athi abantwana bangatiki umlilo. Woke umuntu kufanele ayelele.”
5
UNala uyaraga, “Igezi iphephile begodu ihlwengekile sekunokutjhisa iimbaseli ezifana neenkuni nofana amalahle.”
-
“Ukutjhisa iimbaseli lezo kubanga isilaphazo,” kungezelela uNala.
6
UNaka uyabuza, “Ingabe uyazi bona umlilo uthoma njani?”
-
“Kesinye isikhathi isibaseli nasihlangana nommoya, kuba nokutlwebha okubakhona. Umlilo uthoma njalo,” kuhlathulula uNala.
7
“Lokha ummoya nesibaseli zihlangana msinya ezingeni lokutjhisa elilungileko, kuthoma ukuba nelangabi. Ukwenza isibonelo, ukuhlikihla iingojwana ndawonye, namkha ukutlwebha umlilo.”
8
“Umlilo wenza intuthu,” kutjho uNaka.
-
UNala uyavuma, “Iye, kungakho singakafaneli ukuthi sitlwebhe umlilo singendlini. Akukaphephi ukurhogela intuthu.”
9
UNala noNaka basesikolweni.
-
“Khumbula, ungathomi utjhiye ikhandlela namkha umlilo utjha wodwa. Umlilo ungatjhisa izindlu nabantu!” kuyelelisa uNala.
10

——Imibuzo


  1. Ngubani ofuna ukubasa umlilo, begodu kubayini?
  2. Yitjho izinto ezi-3 umlilo osetjenziselwa zona.
  3. Yitjho imiraro emi-3 yomlilo.
  4. Khuyini ‘isilaphazo’?
  5. Yitjho izinto ezi-2 zokuthi uphephe emlilweni.
  6. Thola igama elitjho ‘umlilo’ ngamanye amalimi amathathu. Dweba isithombe esinamagama lawo.
  7. Khuluma ngananyana ngimiphi imihlobo emithathu yomlilo.
  8. Hlathulula iindlela ezine ezisetjenziselwa ukuqima umlilo.
11
Attribution CC BY
Your attribution should include the following:
Title: UNaka noNala bakhuluma ngomlilo
Author/s: Glanice Masilo
Translator/s: Vusi Mahlangu
Illustrator/s: Sibusiso Khumalo
Assurer/s: Sponono Mahlangu
Language: isiNdebele

© Zenex Foundation - Saide 2025

CC BY includes the following elements:
 BY   – Credit must be given to the creator