Morutiši Mthetho o hlaloša HIV
Ntombifuthi Ncwayiba
Simon Mokoena
Sepedi
First paragraphs
Sihle o na le mengwaga ye šupa.
-
O tsena sekolong sa poraemari.
-
Mmagwe o mo phuthelela dijo tša letena letšatši le lengwe le le lengwe.
1
Ka letšatši le lengwe, bana ba be ba eja mmogo ba dutše ka fase ga mohlare.
-
Sihle a nagana, “Lehono, ke ilo dula le bona. Ba bonala ba thabile, ebile ba boledišana gabotse.”
2
Ge Sihle a fihla go bona, bana ba be ba sa mmolediše. A tloga fao a nyamile.
-
Morutiši Mthetho a lemoga seo se diregago.
3
Sihle a ya ka morago ga phapoši. Morutiši Mthetho a mo šala morago.
-
“Bana ba bangwe ga ba nyake go ba kgauswi le nna ka lebaka la bolwetši bja ka,” Sihle a botša Morutiši Mthetho.
4
Ka morago, Morutiši a bolela le bana.
-
A hlaloša, “HIV ke kokwanahloko yeo e phatlalatšwago ka go kopanya madi goba diela tše di lego ka gare ga mebele ya rena.”
5
Morutiši Mthetho a tšwela pele, “HIV ga e phatlalatšwe ke go raloka mmogo, go ja mmogo goba go gokarelana.”
-
“Le ka raloka la ba la ja mmogo. Le ka gokarelana.”
6
Bana ba be ba thabišitšwe go ithuta dintlha ka HIV.
-
Ba gokarela Sihle, “Re maswabi ka ge re ile ra se bontšhe botho go wena.”
7
Go tloga lona letšatši leo, Sihle o be a thabela go ba sekolong.
-
O ile a thoma go raloka ka go lokologa le bana ba bangwe.
8
Attribution CC BY
Your attribution should include the following:
Title: Morutiši Mthetho o hlaloša HIV
Author/s: Ntombifuthi Ncwayiba
Translator/s: Dikeledi Queen Shai
Illustrator/s: Simon Mokoena
Assurer/s: Connie Makgabo
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator