Tshipinitshi ndi muroho wa maṱari. Maṱari a aluwa nnḓa ha mavu.Ni nga tshi ḽa tsho bikiwa kana tsho tou ralo.Tshipinitshi tsho lugela muṅwe na muṅwe.Miroho yo ri lugela!

Khavhishi na yone ndi muroho u re na maṱari ane a aluwa nnḓa ha mavu.Khavhishi i ya ḓifha musi yo tou ralo kha dzisaḽadi na musi yo bikiwa.Vhathu vho pfumaho na vhashai vha fanela u ḽa khavhishi uri vha vhe na mivhili yo takalaho.

Kherotsi ndi miroho ya midzi. I mela nga fhasi ha mavu.Kanzhi kherotsi dzi na muvhala wa swiri. Dzi ita uri zwiḽiwa zwashu zwi vhe na mivhala yo fhambafhambanaho.Kherotsi dzi ita uri maṱo ashu a vhe na mutakalo wavhuḓi.

Muṅwe muroho wa mudzi ndi biṱiruti. Kanzhi i na muvhala mutswuku.Kanzhi biṱiruti i ḽiwa yo bikiwa, fhedzi ni nga i ḽa yo tou ralo.Biṱiruti i ita uri mbilu dzashu dzi vhe na mutakalo wavhuḓi.

Mafhuri a mela nnḓa ha mavu.Kanzhi mafhuri ri a a bika. A na muvhala wa ṱaḓa, mudala kana wa swiri nahone a na thanga nnzhi.Mafhuri a thusa uri mivhili yashu i dzule i na mutakalo wavhuḓi.

Maṱamaṱisi a mela kha tshiṱaka.Ndi madala musi a tshi khou aluwa nahone kanzhi a vha matswukutswuku musi o no vhibva. A vha na tshivhumbeo tsha tshitengelele.A a ḓifha musi a tshi ḽiwa o tou ralo kana o bikiwa. Maṱamaṱisi a na mbuelo nnzhi dza mutakalo.A nga dovha a shumiswa kha zwa ngalafho.

Ḓabula ḽi na tsinde ḽi melaho fhasi ha mavu.Kanzhi maḓabula a na tshivhumbeo tsha kumba na lukanda lwa buraweni, nahone ndi matshena nga ngomu.Maḓabula a fanela u bikiwa a sa athu a ḽiwa.

Nyala ndi muroho wa tshitengelele une wa mela fhasi mavuni. Nga ngomu u na muvhala mutshena.Nyala dzi a bikiwa kana dza ḽiwa dzo tou ralo (hu si nga vhunzhi).Hoyu muroho u thusa u tsireledza mivhili yashu kha malwadze.