Sepinatšhe ke morogo wa matlhare. Matlhare a sone a tlhogela kwa godimo ga mmu.O ka se ja se apeilwe kgotsa se le setala.Sepinatšhe se siametse mongwe le mongwe.Merogo e re siametse!

Khabetšhe ke morogo o mongwe wa matlhare o o tlhogelang mo godimo ga mmu.Khabetšhe e siame thata fa e le tala mo disalateng le fa e apeilwe.Batho ba ba humanegileng le ba ba humileng ba tshwanetse go ja khabetšhe go nna le mebele e e itekanetseng.

Digwete ke merogo ya medi. Di gola ka fa tlase ga mmu.Digwete gantsi di na le mmala wa namune. Di tlisa mmala mo dijong tsa rona.Digwete di tshola matlho a rona a itekanetse.

Morogo o mongwe wa medi ke beteruti. Gantsi e mmala o bohibidu bo bo tseneletseng.Beteruti gantsi e jewa e apeilwe, fela o ka e ja e le tala.Beteruti e tshola dipelo tsa rona di itekanetse.

Lephutshe le gola godimo ga mmu.Gantsi re apaya lephutshe. Le serolwana, le letala kgotsa mmala wa namune, mme le na le dithapo tse dintsi.Lephutshe le thusa go tshola mebele ya rona e itekanetse.

Ditamati di gola di kitlane kgotsa jaaka morara.Di nna ditala fa di gola mme gantsi di bohibidu bo bo phatsimang fa di budule.Di kgolokwe kgotsa popego ya lee.Di jewa sentle di le ditala le fa di apeilwe.Ditamati di na le ditshiamelo tse dintsi tsa boitekanelo.Di ka dirisetswa gape mabaka a kalafi.

Ditapole di na le kutu ya ka fa tlase ga mmu, e bidiwa lekwele.Ditapole gantsi di popego ya lee ka letlalo le le khunou, di le ditshweu ka fa gare.Ditapole di tshwanetse go apewa pele di jewa.

Eiye ke morogo o o segwere, e gola ka fa tlase ga mmu. Gantsi e tshweu ka fa gare.Dieiye di a apewa le go jewa (go le gonnye) di le ditala.Morogo o, o thusa go sireletsa mebele ya rona mo malwetseng.