Sepinitjhe ke moroho o mahlaku a sephara. Mahlaku a sona a holela ka hodima mobu.O ka se ja se phehilwe kapa se le setala.Sepinitjhe se loketse bohle.Meroho e re loketse.

Khabetjhe ke enngwe ya meroho e mahlaku a sephara a holelang ka hodima mobu.Khabetjhe e molemo e le tala ha ho etswa salate le ha e phehilwe.Barui le bafutsana ba lokela ho ja khabetjhe bakeng sa mmele o phetseng hantle.

Dihwete ke meroho e metso. Di holela ka tlasa mobu.Dihwete di mmala wa lamunu. Di etsa dijo tsa rona di be le mmala o motle.Dihwete di boloka mahlo a rona a phetse hantle.

Moroho o mong oo e leng motso ke bete. E mmala o bokgubedu bo tebileng.Bete hangata e jowa e phehilwe, empa o ka e ja e le tala.Bete e boloka pelo tsa rona di phetse hantle.

Mokopu o holela ka hodima mobu.Hangata mokopu o a phehwa. O na le mmala o mosehla, o motala kapa o lamunu, ona le dithotse tse ngata.Mokopu o boloka mmele ya rona e phetse hantle.

Ditamati di hola sehlahlaneng kapa sefateng se kang sa morara.Di tala ka mmala ha di ntse di hola, mme di ba kgubedu ha di butswitse. Di kgolokwe kapa sedikadikwe ka sebopeho. Di molemo ha di jewa dile tala kapa di phehilwe.Ditamati di na le melemo e mengata bakeng sa bophelo bo botle. Di ka sebedisetswa le ho etsa meriana.

Ditapole di na le kutu e holelang ka tlasa mobu.Hangata ditapole di motopo ka sebopeho, di letlalo le sootho mme di tshweu ka hare.Ditapole di lokela ho phehwa pele di jowa.

Eie ke moroho o sebopeho se kotola e holelang ka tlasa mobu.Hangata e mmala o mosweu ka hare.Dianyanese di a phehwa kapa di jowa di le tala (empa e seng ka bongata).Moroho ona o thusa ho thibela malwetse mmeleng ya rona.