Yinye kwaphela into etjhugulukileko
African Storybook
Sibusiso Khumalo
isiNdebele
Longer paragraphs
UDumisani utlola i-athikili, uyitlolela imagazini yesikolo sakhe.
-
Uhlunga abantwana esikolweni sakhe mayelana namalemuko wabo ngomabhubhisa we-Covid.
-
Uyakhamba uyokukhuluma nabafundi ngesikhathi sokudla.
1
“Wacabanga ini kokuthoma nawuzwa ngengogwana ye-Corona?” kubuza uDumisani.
-
“Inengi labantu likholwa lokho elikubonako, ingasi lokho abakuzwako. Ekuthomeni abanye bathi ingogwana le ayikho,” kutjho uMoses.
2
UMoses uragela phambili uthi, “Abanye abantu bebangafuni ukulandela imithetho. Ngabatjela bona soke kufanele silandele imithetho kamabhubhisa, ngombana nasingakwenziko lokho, ingogwana le angeze yakhamba…”
-
“Emakhaya nemiphakathini esihlala kiyo besilandela imithetho!” kutjho uZwanga amngena emlonyeni.
3
UZwanga uliwele lakaMoses. UMoses uqala uZwanga.
-
“He…uqinisile?” kubuza uMoses.
-
“Angitjho bona boke abantu emphakathini wethu, kodwana abanye babo!” kuphendula uZwanga.
-
Boke abafundi bafa ngeenhleko. Bekufana kibo boke abantu.
4
“Bekunemithetho nemithetjhwana eminengi!” kububula uZwanga.
-
UZwanga uraga uthi, “Ungathinti ubuso bakho, ungathinti ipumulo yakho, ungathinti umlomo wakho, ungakhambi ngebhesi ezele abantu. Hlamba izandla zakho, uzihlwengise wembathe imaski begodu ube maqalanga nabanye abantu…”
-
UZwanga uphelelwa mumoya.
5
UMoses uthi, “Hey ukuqinteliswa kwamakhambo kwaba yinto ebuhlungu khulu!”
-
UDumisani ubuza isiqhema uthi, “Nina naqalana njani nokuqinteliswa kwamakhambo?”
-
UMpho uphendula uthi, “Bekungasimnandi nakancani! Koke ebesikwenza bekukuhlala emakhaya sibukele umabonakude. Ekuthomeni bewubhalelwa nakukuya ngaphandle.”
6
Kwabe kunzima ukufundela emakhaya ngombana kunetjhada elinengi,” kutjho uBasani.
-
“Ngangingedwa zwi! Ngangifuna umuntu ongangihlathululela umsebenzi enganginikelwe wona,” kutjho uBongi.
-
“Nami ngangitlhaga khulu ngomsebenzi wami wesikolo,” kutjho uMpho.
7
“Alo bewuthabile lokha nabavula iinkolo?” kubuza uDumisani.
-
“Umkhumbulo wami wokubuyela esikolweni bekungilowo othi akukaphephi ngokwaneleko ukubuyela esikolweni,” kuphendula u-Andzani.
-
U-Abdul naye uvumelana naye uthi, “Thina njengabafundi kungenzeka singayilandeli imithetjhwana namkha kungenzeka siyilibale.”
8
“Bengingacabangi bona iinkolo kufanele zivulwe,” kutjho uBasani.
-
UMpho uthi, “Ngangithabe khulu ukubuyela etlasini, ngibe sesikolweni.”
-
“Nami ngokunjalo!” kutjho uMoses begodu uZwanga uvuma ngehloko.
-
“Yini okuhlukileko esikolweni njenganje?” kubuza uDumisani.
9
UMoses uthoma ntanzi, “Iyodwa kwaphela into etjhugulukileko esikolweni soloko kwafika umabhubhisa begodu ngilokhu…”
-
“… kukobana yoke into itjhugulukile!” uZwanga uqedelela umutjho kamnakwabo.
-
Abangani babo bayahleka nabo bavumelana naye. Isimbi iyalila babuyela ematlasini.
10

——Imibuzo


  1. Yini owayicabangako nawuthoma ukuzwa nge-Covid-19? Sibawa uhlathulule.
  2. Hlathulula igama ngalinye ngamagama wakho: Umabhubhisa, ukuhlwengisa, ukuqinteliswa kwamakhambo.
  3. Thola amagama endatjaneni atjho okuphikisana nalokhu: ekugcineni, lila, kuhle, nganalitho.
11

——


Indatjana esencwadini le imayelana nemibiko yomRhatjho i-RX. Umrhatjho i-RX kusitetjhi somrhatjho wethungelelwano, wenzelwe abantwana bewusetjenziswa bantwana.
-
UmRhatjho i-RX usebenza ukusuka esibhedlela i-the Red Cross War Memorial Children’s Hospital e-Cape Town.
-
UmRhatjho i-RX usiza abantwana ukobana bacoce iindatjana ngezinto eziqakathekileko kibo.
-
Vakatjhela umRhatjho i-RX
12
Attribution CC BY
Your attribution should include the following:
Title: Yinye kwaphela into etjhugulukileko
Author/s: African Storybook
Translator/s: Sponono Mahlangu
Illustrator/s: Sibusiso Khumalo
Assurer/s: William Jiyana
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator