Ikhompuyutha ifana nengcondvo
Patricia Ndlovu
Pexels; Pixabay
Siswati
First paragraphs
Ikhompuyutha ifana nemcondvo wemuntfu. Yingako siyibita ngekutsi ngungcondvomshini.
-
Igcina lwati, iphindze ikhiphe lwati lubuyele lapho luvela khona.
1
Nangabe ikhompuyutha isebenta ngelwati, siye sitsi ilungisa/ikhicita lwati.
-
Nangabe ikhompuyutha igcina lwati, siye sitsi ilondvolota lwati engcondvweni yayo.
2
Ngisho noma ucima ikhompuyutha, i-hard drive iyalulondvolota lwati lolusengcondvweni yayo.
-
I-hard drive ivame kutfolakala ngaphakatsi kwekhompuyutha.
3
I-flash drive nobe i-flash stick ilondvolota lwati njengayo i-hard drive.
-
I-flash stick ingena kukhompuyutha.
4
Sisebentisa tinhlelo teluhlelokusebenta/softhiwe (software) kute sisebente ngelwati.
-
Tinhlelo teluhlelokusebenta tilungisa futsi tilondvolote lwati kukhompuyutha.
-
Kunetinhlelo letehlukene temisebenti lokufanele yentiwe leyehlukene.
5
Tinhlelokwenta (applications) letikusimathifoni nato titinhlelokusebenta.
-
Sifishaniso seluhlelokwenta kutsiwa yi-app.
6
Kukhona ema-app ekudlala imidlalo kanye nalamanye etintfo tekutijabulisa.
7
Ungalondvolota tincwadzi letinyenti kukhompuyutha.
-
Uvula emakhasi encwadzi ngekutsi ucindzetele inkonobho nobe ngekutsi uswaphe kuskrini.
8
Luchumano lwekhompuyutha kanye ne-inthanethi lubaluleke kakhulu ekufundzeni.
-
Ungasebentisa inthanethi ngekutsi uye ku-online bese ubukele bothishela bafundzisa tifundvo.
9
I-inthanethi ingaphindze futsi ibe netindzawo letiyingoti.
-
Cela umuntfu lometsembako kute akusite ngekusebentisa i-inthanethi kanye nekuvakashela kumawebhusayithi lamasha.
10

——Imibuto


  1. Kuyini kulungisa/kukhicita (processing)?
  2. Ikhompuyutha ilulondvolota kuphi lwati?
  3. Nika sibonelo semshini losetjentiselwa kulondvolota.
  4. Ema-software ekhompyutha asisita kanjani?
  5. Kungani sidzinga inthanethi ngesikhatsi sisebenta kukhompuyutha?
  6. Chaza kutsi yini leyenta khompuyutha ifanane nengcondvo.
  7. Fundza ngema-app longawasebentisa kutfutfukisa tifundvo takho.
  8. Iwebhusayithi yakhiwa yini?
11

——


Lencwadzi ingulenye yeluchungechunge lwetincwadzi letine letetfula tihloko tebuchwepheshe bangcondvomshini.
-
Lencwadzindzaba icanjelwe tintfo tekufundza tephrojekthi yeZenex Ulwazi Lwethu nga-2021.
12
Attribution CC BY
Your attribution should include the following:
Title: Ikhompuyutha ifana nengcondvo
Author/s: Patricia Ndlovu
Translator/s: Mduduzi Benjie Shongwe
Illustrator/s: Pexels; Pixabay
Assurer/s: Simangele Khoza
Language: Siswati

© Zenex Foundation - Saide 2025

CC BY includes the following elements:
 BY   – Credit must be given to the creator