Khomphiutha e tshwana le tlhaloganyo
Patricia Ndlovu
Pexels; Pixabay
Setswana
First paragraphs
Khomphiutha e tshwana le boboko jwa motho.
-
E tshwara tshedimosetso mo teng ga yona, mme e dira ka tshedimosetso.
-
E tshola tshedimosetso, mme e neelana ka tshedimosetso.
1
Fa khomphiutha e dira ka tshedimosetso, ra re e sekaseka tshedimosetso.
-
Fa khomphiutha e tshola tshedimosetso, ra re e boloka tshedimosetso mo memoring wa yona.
2
Le fa o tima khomphiutha, polokelo e boloka tshedimosetso mo memoring wa yona.
-
Polokelo gantsi e fitlhelwa ka mo gare ga khomphiutha.
3
Folešeteraefe kgotsa folešesetiki e boloka tshedimosetso fela jaaka polokelo.
-
Folešesetiki e tsena mo khomphiutheng.
4
Re dirisa mananeotiriso go dira ka tshedimosetso.
-
Mananeotiriso a rulaganya tshedimosetso mo khomphiutheng.
-
Go na le mananeo a a farologaneng a ditiro tse di farologaneng.
5
Di-application tsa mo sematefounung le tsone ke lenaneotiriso.
-
Leinakhutswe la application ke app.
6
Go na le di-app tsa go tshameka metshameko le ditirwana tse dingwe tse di itumedisang.
7
O ka boloka dibuka di le dintsi khomphiutheng.
-
O phutholola ditsebe tsa buka ka go gatelela konopo kgotsa go swaepa mo sekirining.
8
Kgolaganyo ka khomphiutha le inthanete di mosola thata fa o ithuta.
-
O ka dirisa inthanete go tsena mo kgolagano- tirisong le go bogela barutabana ba ruta dithuto.
9
Inthanete le yona e ka nna lefelo le le kotsi.
-
Kopa mongwe yo o mo tshepang go go thusa go dirisa inthanete le go tsena mo webosaeteng e ntšhwa.
10

——Dipotso


  1. Go rulaganya ke eng?
  2. Khomphiutha e boloka tshedimosetso kae?
  3. Neela sekai sa sediriswa sa polokelo.
  4. Mananeotiriso a khomphiutha a re thusa jang?
  5. Ke goreng re tlhoka inthanete fa re dira mo khomphiutheng?
  6. Tlhalosa gore ke goreng khomphiutha e tshwana le boboko.
  7. Batla tshedimosetso ka di-app tse pedi tse o ka di dirisang go tokafatsa dithuto tsa gago.
  8. Webosaete e dirilwe ka eng?
11

——


Buka e, ke nngwe ya metseletsele ya dibuka tse nne tsa go itsise ditlhogo tsa thekenoloji ya khomphiutha. Bukakanelo e tlhametswe porojeke ya Zenex Ulwazi Lwethu ya didiriswa tsa go buisa ya 2021.
12
Attribution CC BY
Your attribution should include the following:
Title: Khomphiutha e tshwana le tlhaloganyo
Author/s: Patricia Ndlovu
Translator/s: Dineo Moatshe
Illustrator/s: Pexels; Pixabay
Assurer/s: Opelo Thole
Language: Setswana

© Zenex Foundation - Saide 2025

CC BY includes the following elements:
 BY   – Credit must be given to the creator