Khomphutha e swana le monagano
Patricia Ndlovu
Pexels; Pixabay
Sepedi
First paragraphs
Khomphutha e swana le monagano wa motho.
-
E tšea tshedimošo le gona e šoma ka tshedimošo.
-
E swara tshedimošo ebile e tšweletša tshedimošo.
1
Ge khomphutha e šoma ka tshedimošo, re re e beakanya tshedimošo.
-
Ge khomphutha e swara tshedimošo, re re e boloka tshedimošo ka memoring wa yona.
2
Ge o tima khomphutha, hard drive e boloka tshedimošo ka kgopolong ya yona.
-
‘Hard drive’ e hwetšagala ka gare ga khomphutha.
3
Flash drive goba flash stick se boloka tshedimošo go no swana le hard drive.
-
‘Flash drive’ e kgomarela khomphutha.
4
Re šomiša diprograme tša software go šoma ka tshedimošo.
-
Diprograme tša software di beakanya le go boloka tshedimošo khomphutheng.
-
Go na le diprograme tša go fapafapana tšeo di dirago mešomo ya go fapana.
5
Diaplikheišene tša mogalatheka le tšona ke software.
-
Leina la aplikheišene ge le khutsofaditšwe ke ‘app’.
6
Go na le diapp tša go raloka dipapadi le mešongwana ye mengwe ya boithabišo.
7
O ka boloka dipuku tše dintši kudu khomphutheng.
-
O phetla matlakala a puku ka go tobetša konotswana goba go swaepa mo sekirining.
8
Khomphutha le kgokagano ya inthanete di thuša kudu ge o ithuta.
-
O ka šomiša inthanete go kgokagana gomme wa lebelela barutiši ge ba ruta.
9
Inthanete le yona e ka ba lefelo la go se bolokege.
-
Kgopela motho yo o mo tshepago gore a go thuše ka go šomiša inthanete le go etela diwebsaete tše diswa.
10

——Dipotšišo


  1. Na peakanyo ke eng?
  2. Na khomphutha e boloka kae tshedimošo?
  3. Efa mohlala wa sedirišwa sa go boloka tshedimošo.
  4. Na diprograme tša software di re thuša bjang?
  5. Gobaneng go nyakega inthanete ge re šoma ka khomphutha?
11

——


Puku ye ke ye nngwe ya tlhatlamano ya dipuku tše nne tša go tsebiša direrwa tša thekenolotši ya khomphutha.
-
Puku ye ya dikanegelo e hlametšwe ba Zenex Ulwazi Lwethu bjalo ke projeke ya go bala ya 2021.
12
Attribution CC BY
Your attribution should include the following:
Title: Khomphutha e swana le monagano
Author/s: Patricia Ndlovu
Translator/s: Connie Makgabo
Illustrator/s: Pexels; Pixabay
Assurer/s: Dikeledi Queen Shai
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator