Khomphyuta i shuma hani?
Patricia Ndlovu
Pexels; Pixabay
Tshivenḓa
First paragraphs
Khomphyutha dzi shumisa mafhungo ane a vhidzwa datha.
-
Datha i nga vha maḽeḓere, dziṋomboro, zwifanyiso, na mibvumo.
1
Musi ni tshi dzhenisa mafhungo kha khomphyutha, ni vha ni tshi khou dzhenisa datha.
-
U thaipha kha khiibodo ya khomphyutha ndi iṅwe nḓila ya u dzhenisa datha.
2
U itela u dzhenisa datha kha khomphyutha, ri shumisa:
-
khiibodo (1)
-
mausu (2)
3
Musi ri tshi dzhenisa datha nga nḓila ya mubvumo na zwifanyiso, ri shumisa:
-
khudzaipfi (3)
-
khamera (4)
4
Ri dovha ra wana datha u bva kha khomphyutha.
-
Datha ine ra i wana kha khomphyutha i vhidzwa ‘output’ (tshibveledzwa).
-
Tshipikara (5) na tshikirini (6) zwi bveledza ‘output’.
5
Tshikirini (6) tshi bveledza zwifanyiso, maḽeḓere, na dziṋomboro.
-
Zwipikara, na dzi ‘earphone’ (7) zwi bveledza mibvumo.
6
‘Hardware’ ndi zwipiḓa zwa khomphyutha; zwine na kona u zwi fara.
-
Tshikirini, khiibodo, zwipikara, mausu, khudzaipfi, na dzihedifouni zwoṱhe ndi ‘hardware’.
7
U itela uri khomphyutha i shume, i ṱoḓa ‘software’.
-
‘Software’ i fha khomphyutha ndaela ya nḓila ya u shumisa datha yo fhambafhambanaho.
8
Dziphurogireme na dzi application ndi miṅwe mifuda ya ‘software’.
-
Sa tsumbo, ni fanela u vha na ‘application’ ya khamera i re kha simathifouni u ri ni kone u foda zwinepe na dzividio.
9
Musi ni tshi sedza nga ngomu ha khomphyutha, ni ḓo vhona zwipiḓa zwinzhi zwiṱukuṱuku zwine zwa ḓihwa sa ‘chip’ dza khomphyutha.
-
‘Chip’ dza khomphyutha dzi ita u ri khomphyutha i shume.
10

——Mbudziso

  1. Mafhungo a re kha khomphyutha a vhidzwa mini?
  2. Khiibodo na mausu ndi tsumbo dza …
  3. Datha ine ya bva kha khomphyutha i vhidzwa mini?
  4. Ṋeani tsumbo mbili dza hardware.
  5. Software ndi mini?
11

——


Heyi bugu ndi ya vhuvhili kha mutevhe wa bugu nṋa dzi ambaho nga thero ya thekinolodzhi ya khomphyutha.
-
Bugu ya tshiṱori yo sikwa na u ṅwalwa sa tshipiḓa tsha thandela ya matheriaḽa ya u vhala ya ZenexUlwaziLwethu ya 2021.
12
Attribution CC BY
Your attribution should include the following:
Title: Khomphyuta i shuma hani?
Author/s: Patricia Ndlovu
Translator/s: Doris Manyamalala
Illustrator/s: Pexels; Pixabay
Assurer/s: Tshedza Tlhako
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator