Isebenta njani ikhompuyutha?
Patricia Ndlovu
Pexels; Pixabay
Siswati
First paragraphs
Emakhompuyutha asebenta ngelwati lolubitwa ngekutsi yidatha.
-
Idatha ingaba tinhlavu, tinombolo, titfombe, kanye nemisindvo.
1
Nangabe ubeka lwati kukhompuyutha, usuke ufaka idatha.
-
Kubhala kukhompuyutha ngekhibhodi kungulenye indlela yekufaka idatha.
2
Lawa ngemathulusi lesiwasebentisako kute sifake idatha kukhompuyutha:
-
ikhibhodi (1)
-
i-mouse (2)
3
Lawa ngemathulisi ekufaka idatha lengaba ngumsindvo kanye netitfombe:
-
umbhobho (3)
-
sitfwebulitfombe (4)
4
Sitfola nedatha levela kukhompuyutha.
-
Idatha lesiyitfola kukhompuyutha siyibita ngekutsi yi-output.
-
Sipikha semsindvo (5) kanye neskrini (6) kusinika i-output.
5
Skrini (6) sisinika i-output lengaba titfombe, tinhlavu, kanye netinombolo.
-
Sipikha semsindvo kanye nema-earphone (7) kusinika i-output lemisindvo.
6
Takhi tekhompuyutha (hardware) nguletincenye letibonakalako tekhompuyutha; tincenye lesingatitsintsa.
-
Skrini, ikhibhodi, tipikha, i-mouse, umbhobho, kanye nema-headphone konkhe loku kutakhi tekhompuyutha.
7
Ikhompuyutha idzinga luhlelokusebenta (software) kute sikwati kuyisebentisa.
-
Luhlelokusebenta lunika ikhompyutha imiyalelo kutsi kufanele iyisebentise njani idatha leyehlukene.
8
Tinhlelo kanye netinhlelokwenta (applications) tinhlobo teluhlelokusebenta.
-
Sibonelo, udzinga luhlelokwenta lwesitfwebulitfombe ku-smartphone kute utsatse titfombe kanye nemavidiyo.
9
Nangabe ubuka ngekhatsi kwekhompuyutha, utawubona tincenye letincane letinyenti letibitwa ngekutsi ngema-chip ekhompuyutha.
-
Ema-chip ekhompuyutha enta lwati lukwati kwenta emakhompuyutha asebente.
10

——Imibuto


  1. Silubita ngekutsi luyini lwati lolukukhompuyutha?
  2. Ikhibhodi kanye ne-mouse ngemathulusi lasibonelo se…
  3. Siyibita ngekutsi yini idatha lesiyitfola ivela kukhompuyutha?
  4. Niketa tibonelo letimbili tetakhi tekhompuyutha.
  5. Yini luhlelokusebenta (software)?
  6. Chaza tinhlobo letintsatfu temadatha lokungenteka sikolo siwafake kukhompuyutha.
  7. Yini lokufanele uyente kuze uciniseke kutsi ikhompuyutha yakho iyakusebentela?
  8. Ngutiphi tinzuzo tekubhala kukhompuyutha kunekubhala ephepheni?
11

——


Lencwadzi ingeyesibili kululochungechunge lwetincwadzi letine letetfula tihloko tebuchwepheshe bekhompuyutha.
-
Lendzaba icanjelwe tintfo tekufundza tephrojekthi yeZenex Ulwazi Lwethu nga-2021.
12
Attribution CC BY
Your attribution should include the following:
Title: Isebenta njani ikhompuyutha?
Author/s: Patricia Ndlovu
Translator/s: Mduduzi Benjie Shongwe
Illustrator/s: Pexels; Pixabay
Assurer/s: Simangele Khoza
Language: Siswati

© Zenex Foundation - Saide 2025

CC BY includes the following elements:
 BY   – Credit must be given to the creator