Komporo e sebetsa jwang?
Patricia Ndlovu
Pexels; Pixabay
Sesotho (South Africa)
First paragraphs
Komporo e sebetsa ka tlhahisoleseding e bitswang ‘pokello ya dintlha’.
-
Pokello ya dintlha e kaba ka mokgwa wa ditlhaku, dinomoro le medumo.
1
Ha o kenya tlhahisoleseding komporong, o kenya pokello ya dintlha.
-
Ho thaepa hodima khiboto ya komporo ke tsela enngwe ya ho kenya pokello ya dintlha.
2
Re sebedisa disebediswa tse latelang ho kenya pokello ya dintlha komporong:
-
Khiboto (1)
-
Maose (2)
3
Re sebadisa disebediswa tse latelang ho kenya pokello ya dintlha ka mokgwa wa medumo le ditshwantsho:
-
Maekrofounu (3)
-
Senkadinepe (4)
4
Hape re fumana pokello ya dintlha komporong.
-
Pokello ya dintlha yeo re e fumanang komporong e bitswa tlhaiso.
-
Sebuelahole (5) le sekerini (6) di refa tlhaiso.
5
Sekerini (6) se re fa tlhaiso ka ditshwantsho, ditlhaku, le dinomoro.
-
Sebuela hole le difounu tsa ditsebe (7) di fana ka tlhaiso ka mokgwa wa medumo.
6
Hatewere ke dikarolo tse bonahalang tsa komporo. Ke dikarolo tse tshwarehang.
-
Sekerini, khiboto, dibuelahodimo, maose, dibuelahole, le difounu tsa hlooho kaofela ke hatewere.
7
Komporo e hloka softewere hore re kgone ho e sebedisa.
-
Softewere e fana ka ditaelo komporong hore e kgone ho sebetsa ka pokello ya dintlha tse fapaneng.
8
Diprograma le tshebediso ke mekgwa ya softewere.
-
Mohlala, o hloka tshebediso ya senkadinepe sematefounung ho nka dinepe le dividio.
9
Ha o sheba ka hara komporo, o tla bona dikarolwana tse nyane tse bitswang maqhetswana.
-
Maqhetswana a komporo a tsamaisa tlhaisoleseding hore komporo e sebetse.
10

——Dipotso


  1. Tlhaisoleseding komporong e bitswang?
  2. Khiboto le maose ke disebediswa tsa …
  3. Pokello ya dintlha e fumanwang komporong e bitswang?
  4. Fana ka mehlala e mmedi ya hatewere.
  5. Softewere ke eng?
11

——


Buka ena ke ya bobedi letotong la tse nne tse lelekelang dihlooho theknolojing ya komporo.
-
Buka e qapetswe projeke ya 2021 ya Zenex Ulwazi Lwethu ya dibuka tse balwang.
12
Attribution CC BY
Your attribution should include the following:
Title: Komporo e sebetsa jwang?
Author/s: Patricia Ndlovu
Translator/s: Nthabiseng Tsatsi
Illustrator/s: Pexels; Pixabay
Assurer/s: Mathapelo Morake
Language: Sesotho (South Africa)

© Zenex Foundation - Saide 2024

CC BY includes the following elements:
 BY   – Credit must be given to the creator