Khomphutha e šoma bjang?
Patricia Ndlovu
Pexels; Pixabay
Sepedi
First paragraphs
Dikhomphutha di šoma ka tshedimošo ya go bitšwa data.
-
Data e ka ba ka mokgwa wa ditlhaka, dinomoro, diswantšho le modumo.
1
Ge o tsenya tshedimošo khomphutheng, o tsenya data.
-
O tsenya data khomphutheng ka go tlanya mo khiipotong.
2
Re šomiša didirišwa tše di latelago go tsenya data khomphutheng:
-
khiipoto (1)
-
maose (2)
3
Re šomiša didirišwa tše di latelago go tsenya data ya modumo le diswantšho:
-
maekrofouno (3)
-
setšeadiswantšho (4)
4
Re kgona gape go hwetša data go tšwa khomphutheng.
-
Data ye re e hwetšago go tšwa khomphutheng e bitšwa tšweletšo.
-
Segodišamodumo (5) le sekirini (6) di re fa tšweletšo.
5
Sekirini (6) se re fa tšweletšo ka mokgwa wa diswantšho, ditlhaka le dinomoro.
-
Digodišamodumo le ditsebjana (7) di tšweletša modumo.
6
Hardware ke ditlabakelo tša khomphutha tšeo o kgonago go di swara.
-
Ditlabakelo tša gona ke sekirini, khiipoto, dipikara, maose, maekrofouno le diheadphone.
7
Khomphutha e hloka software gore re kgone go e šomiša.
-
Software e fa khomphutha ditaelo tša gore e šome bjang ka data ya go fapafapana.
8
Diprograme le diaplikheišene ke mehuta ya software.
-
Go fa mohlala, o hloka aplikheišene ya khamera mogalathekeng gore o tšee diswantšho le dibidio.
9
Ge o ka lebelela ka gare ga khomphutha, o tla bona dikarolwana tše dintši tše nnyane tša go bitšwa ditšhipisi tša khomphutha.
-
Ditšhipisi tša khomphutha di thuša go beakanya tshedimošo gore khomphutha e šome.
10

——Dipotšišo


  1. Na tshedimošo ya ka gare ga khomphutha o e bitša eng?
  2. Khiipoto le maose ke mehlala ya didirišwa tša ……
  3. Na data ye re e hwetšago khomphutheng e bitšwa eng?
  4. Efa mehlala ye mebedi ya ditlabakelo tša khomphutha.
  5. 5. Na ‘software’ ke eng?
11

——


Puku ye ke ya bobedi ya tlhatlamano ya dipuku tše nne tša go tsebiša direrwa tša thekenolotši ya khomphutha.
-
Puku ye ya dikanegelo e hlametšwe ba Zenex Ulwazi Lwethu bjalo ke projeke ya go bala ya 2021.
12
Attribution CC BY
Your attribution should include the following:
Title: Khomphutha e šoma bjang?
Author/s: Patricia Ndlovu
Translator/s: Connie Makgabo
Illustrator/s: Pexels; Pixabay
Assurer/s: Dikeledi Queen Shai
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator