Ho phela ka bokooa
African Storybook
Sibusiso Khumalo
Sesotho (South Africa)
Longer paragraphs
Vincent ke moqolotsi wa seteishene sa seyalemoya sa RX. O setudiyong sa seyalemoya sa RX ho hatisa lenaneo la hae.
-
Kajeno lenaneo la Vincent le ka ha bana ba phelang ka maemo a sa jeseng ditheohelang a bophelo.
-
O ba botsa dipotso ka boiphihlelo ba bona nakong ya ho jaleha ha kokwanahloko ya Khorona.
1
“Dumelang bamamedi, ke Vincent mona setudiong sa seyalemoyeng sa RX. Kajeno baeti ba ka ke Mulalo, Ashley le Lina,” ke Vincent a lelekela.
-
Baeti ba itsebisa.
-
“Sewa sa Khorona e ne e le phephetso, haholo bathong ba sa itekanelang. Ke kopa le bolle bamamedi ba rona ka hona,” Vincent a tswela pele.
2
Ha qala Mulalo, “Ke na le bohloko bo sa foleng ba mokokotlo. Bo ama mesifa – maoto, matsoho le ho hema.
-
Ha ke ne ke tshwaeditswe ke lefu la Khorona, mme bo kopana le bohloko bona, di ne di ka mpolaya! Matshwafo a ka a ya fokola. Ke ne nke ke ka phela!”
3
Lina a re, “Ke ne ke tshohile haholo. Ke na le bohloko ba letshwea, bo amang matshwafo a ka.
-
Ha ke ne ke kgohlela kapa ke hemela hodimo, ke ne ke se na bonnete ba hore ke letshwea kapa kokwanahloko ya Khorona. E ka be e amme sefuba sa ka ha bohloko.”
4
Ashley a tshwaela, “Nna ke na le bohloko ba bipolar disorder. E ama kelello mme ke nwa meriana ho bo kokobetsa.
-
Ka nako e nngwe, ke ikutlwa ke hloname haholo kapa ke halefile. Ka nako maikutlo a ka a fetoha kapele, mme ho ba thata ho a laola.”
5
“Ke a leboha ho arolelana le rona boiphihlelo ba lona. Na ho ne ho e na le ditlamorao tse ntle tse etsahetseng nakong ya sewa?” ho botsa Vincent.
-
“Ke qetile nako e ngata le ba lelapa la ka. Re ne re bapala dipapadi tsa boto mmoho, mme ke natefetswe haholo,” ho bua Lina.
6
“Le nna ke qetile nako e ngata le ba lelapa la ka. Ka lehlohonolo, ke kgonne ho nwa meriana lapeng,” ho araba Mulalo.
-
“Ke nkile qeto ya ho sebedisa monyetla ona ho intlafatseng. Ke qetile nako le ba lelapa la ka, le ho inehela ho Modimo le ho rapela,” ke Ashley eo.
7
Vincent a sheba nako leboteng la studio. “Ka bomadimabe re se re siilwe ke nako!” ho rialo Vincent.
-
“Ke mantswe afe a kgothatso ao le ka a fang bana ba bang ba fumanweng ba na le ho kula mmeleng kapa kelellong?” ho botsa Vincent.
8
Asheley a araba pele, “Ho na le sekgobo se teng bakeng sa batho ba phelang ka mahloko a kelello.
-
O nkuwa e ka ke lehlanya kapa o batla ho bonwa, mme ke batla hoo ho fetohe. Ho amohelehile ho seitekanele.”
9
Lina a dumellana le Ashley a re, “Keletso ya ka ke hore itlhokomeleng. E bang le mamello ka maemo a lona, mme le tsebe hore le etsa ka hohle hohle ka moo le ka kgonang.”
-
Mulalo a tlatsetsa, “Le se ke la fela matla, diphephetso di ngata empa le ka kgona ho fihlella ditoro tsa lona.”
10

——Dipotso


  1. Ngola ditlhaloso tsa mantswe ana: sewa, sekgobo, diphephetso.
  2. Ho bolelwang ha ho thwe 'maemo a bophelo a sa sejeseng ditheohelang.
  3. Ho bolelwang ka ho fumanwa o na le ho kula mmeleng kapa kelellong?
  4. O ka sapota motho ya phelang ka boqhwala ba mmele jwang?
  5. Ke mathata afe ao malapa a teanang le ona ha e mong wa leloko a phela ka boqhwala?
  6. Ke maikutlo a fe a ho thatafallang ho a laola? Hobaneng?
  7. Mulalo ore, “Ka lehlohonolo, ke kgonne ho iphekola hae.” Na ho bolokehile ho iphekola? Hlalosa.
11

——


Pale ena e thehilwe dirapotong tsa radiyo ya RX. Radio ena ke ya inthanete ya bana.
-
Radiyo RX e hasa ho tswa Red Cross War Memorial Children’s Hospital Motseng wa Kapa.
-
RX e thusa bana ho bua dipale ka ditaba tse ba amang tse bohlokwa ho bona.
-
Ketelo seyalemoyeng sa RX
12
Attribution CC BY
Your attribution should include the following:
Title: Ho phela ka bokooa
Author/s: African Storybook
Translator/s: Maria Vaz
Illustrator/s: Sibusiso Khumalo
Assurer/s: Nthabiseng Tsatsi, Mathapelo Morake
Language: Sesotho (South Africa)

© Zenex Foundation - Saide 2025

CC BY includes the following elements:
 BY   – Credit must be given to the creator