Naka naNala bakhuluma ngemanti
Eric Khorombi
Simon Mokoena
Siswati
First sentences
Naka naNala benta umsebenti wesikolwa wasekhaya. Bafundza ngemanti.
-
“Emanti ete umbala futsi akanambitseki, kepha ayintfo leligugu kakhulu!” kubabata Nala.
1
Naka uyavuma, “Yonkhe intfo lephilako idzinga emanti. Bantfu bawasebentisa emanti kute bawanatse, bapheke, bahlante indzawo futsi balime.”
-
“Baphindze bawasebentisele kwakha tintfo emafemini,” kwengeta Nala.
2
“Incenye lenguhhafu yemtimba yakhiwa ngemanti! Emanti akagcini nje ngekucedza koma. Imitimba yetfu iyawadzinga kute isebente,” kusho Naka.
3
“Indzawo lenkhulu emhlabeni imbonywe ngemanti, imifula, emachibi, kanye nelwandle,” kusho Nala.
-
Naka uvuma ngenhloko, “Tincenye letingetulu kwaletimbili kuletintsatfu teplanethi yetfu tingemanti.
4
“Kepha incumbi yemanti lasemhlabeni ngemanti laneluswayi. Mancane kakhulu langenalo luswayi, futsi ngiwo ladzingwa bantfu,” kusho Naka.
5
“Emanti eluswayi aneluswayi, futsi kumatima kukhipha luswayi kulamanti kantsi futsi kudulile. Bantfu abakhoni kunatsa emanti eluswayi, bakhona kunatsa kuphela emanti lete luswayi!” kuphawula Naka.
6
“Liciniso lelo, kungaleso sizatfu kufuneka siyinakekele imitfombo yetfu yemanti lete luswayi emhlabeni. Kufanele singangcolisi imifula nemachibi ngetibi,” kusho Nala.
7
“Ake sifundze ngemjikeleto wemanti,” kusho Naka.
-
“Lena yinchubo lapho emanti ahwamuka khona asuke emhlabeni aye emoyeni, bese aphindze ehla,” kuchaza Nala.
8
Nala uyachubeka, “Ematfonsi lamancane emanti ayakhuphuka aye esibhakabhakeni bese aba ngemafu. Emanti lasemafini ayancibilika awele emhlabeni abe yimvula, sangcotfo, nobe sitfwatfwa.”
9
Naka utsi, “Ngomile, ngidzinga emanti!”
-
Nala uyaphendvula, “Yebo, ingcondvo yakho idzinga emanti kute ikhone kucabanga nekufundza! Emanti akuphila, wasebentise kahle.”
10

——Imibuto


  1. Bobani labadzinga emanti lete luswayi? Bawadzingelani?
  2. Bhala imisebenti lengu-5 yemanti lete luswayi.
  3. Singawanakekela njani emanti lete luswayi emhlabeni?
  4. Emanti lasemhlabeni lamanyenti aneluswayi nobe ete luswayi? Chaza.
  5. Dvweba umjikeleto wemanti. Sebentisa emagama lakulendzaba kute uchaze loko lokwentekako.
11
Attribution CC BY
Your attribution should include the following:
Title: Naka naNala bakhuluma ngemanti
Author/s: Eric Khorombi
Translator/s: Simangele Khoza
Illustrator/s: Simon Mokoena
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator