Naka le Nala ba ithuta ka meetse
Eric Khorombi
Simon Mokoena
Sepedi
First paragraphs
Naka le Nala ba dira mošomo wa gae. Ba ithuta ka meetse.
-
“Meetse ga a na mmala gape ga a na tatso efela ke sedirišwa se bohlokwa!” Nala a realo.
1
Naka a dumela, “Diphedi ka moka di hloka meetse. Batho ba šomiša meetse go apea, go hlwekiša, go nošetša le go nwa.”
-
“Le go dira ditšweletšwa difemeng,” Nala a tlaleletša.
2
“Mmele wa motho o na le meetse a go feta seripagare sa mmele. Meetse ga a tloše fela lenyora. Mebele ya rena e hloka meetse gore e šome,” Naka a realo.
3
“Karolo ye kgolo ya lefase e khupeditšwe ke meetse, ka dinokeng, ka matsheng, le mawatleng,” Nala a realo.
-
Naka a dumela ka hlogo, “Pedi tharong ya polanete ya rena e na le meetse.”
4
“Bontši bja meetse a go tšwa mmung a na le letswai. Ke a mannyane fela a go hlaboša, ao a nyakwago ke batho.” Naka a realo.
5
“Ga go bonolo ebile go bitša tšhelete ye ntši go ntšha letswai ka meetseng. Batho ba ka se kgone go nwa meetse a letswai, ba nwa a go hlaboša fela,” Naka a goeletša.
6
“Ke ka lebaka leo re swanetšego go hlokomela methopo ya rena ya meetse. Re se ke ra tšhilafatša dinoka le matsha a rena ka ditšhila,” Nala a realo.
7
“A re ithuteng leboyo la meetse,” Naka a realo.
-
“Ke tshepedišo yeo meetse a sepelago go tšwa fase go ya godimo mo moyeng, le go theogela fase gape,” Nala a hlaloša.
8
Nala a tšwela pele, “Marothodi a mannyane a meetse a ya godimo leratadimeng gomme a bopa maru. Meetse ao a lego marung a wela fase ka mokgwa wa pula, sefako goba lehlwa.”
9
Naka a goeletša, “ke swerwe ke lenyora, ke hloka meetse!”
-
Nala a fetola, “Ee, bjoko bja gago bo hloka meetse gore bo nagane le go ithuta! Meetse ke bophelo, a sware gabotse.”
10

——Dipotšišo


  1. Ke mang yoo a nyakago meetse a go hlaboša? Ka lebaka la eng?
  2. Efa mehola ye mehlano ya meetse a go hlaboša.
  3. Na re ka hlokomela bjang meetse a go hlaboša mo fase?
  4. Ekaba meetse a go tšwa fase ke a go hlaboša goba a na le letswai? Hlaloša.
  5. Thala leboyo la meetse. Šomiša mantšu go tšwa kanegelong go hlaloša seo se diregago.
11
Attribution CC BY
Your attribution should include the following:
Title: Naka le Nala ba ithuta ka meetse
Author/s: Eric Khorombi
Translator/s: Dikeledi Queen Shai
Illustrator/s: Simon Mokoena
Assurer/s: Connie Makgabo
Language: Sepedi

© Zenex Foundation - Saide 2024

CC BY includes the following elements:
 BY   – Credit must be given to the creator