UNaka noNala bakhuluma ngamanzi
Eric Khorombi
Simon Mokoena
isiNdebele
First sentences
UNaka noNala benza umsebenzi wesikolo ekhaya. Bafunda ngamanzi.
-
“Amanzi akanambala begodu akanambithi, kodwana asisetjenziswa esiqakathekileko!” kutjho uNala.
1
UNaka uyavuma, “Yoke ipilo itlhoga amanzi. Abantu basebenzisa amanzi ukobana bawasele, bapheke, bahlwengise, begodu balime.”
-
“Kanye nokwenza izinto emafemini,” kungezelela uNala.
2
“Isiqunto somzimba wethu senziwe ngamanzi. Amanzi enza okunengi kunokuqeda ukoma. Imizimba yethu iyawatlhoga ukobana isebenze,” kutjho uNaka.
3
“Ubunengi bomhlaba bembeswe mamanzi, emilanjeni, amatje, kanye namalwandle,” kutjho uNala.
-
UNaka uvuma ngehloko, “Ngaphezu kokubili esithathwini seplanethi yethu kumamanzi.”
4
“Kodwana amanzi amanengi asephasini mamanzi anetswayi. Linani elincani khulu lamanzi ahlwengekileko, ekungiwo atlhogwa babantu,” kutjho uNaka.
5
“Amanzi wetswayi amumethe itswayi, begodu kubudisi bekuyabiza ukukhupha itswayi emanzini. Kodwana abantu angeze basela amanzi anetswayi, mamanzi ahlwengekileko kwaphela!” kutjho uNaka.
6
“Iye, kungakho kufanele sinakekele imithombo yamanzi afretjhi ephasini. Akukafaneli sisilaphaze imilambo namatsha ngeenzibi,” kutjho uNala.
7
“Asifunde umzombelezo wamanzi,” kutjho uNaka.
-
“Yikambiso lapho amanzi akhamba asuke ephasini aye emmoyeni, bese abuya phasi godu,” kutjho uNala.
8
UNala uyaraga, “Amathosana amancani wamanzi ayakhamba aye phezulu emkayini bese enza amafu. Amanzi asemafini ehlela ephasini alizulu, isinanja, namkha igabhogo.”
9
UNaka uthi, “Ngomile, Ngifuna amanzi!”
-
UNala uyaphendula, “Iye, ubuqhopho bakho butlhoga amanzi ukobana ukwazi ukucabanga nokufunda! Amanzi yipilo, aphathe kuhle.”
10

——Imibuzo


  1. Ngubani ofuna amanzi ahlwengekileko? Kubayini?
  2. Rhelisa izinto ezi-5 ezisetjenziselwa amanzi.
  3. Amanzi amanengi asephasini ingabe ahlwengekileko namkha anetswayi? Hlathulula.
  4. Dweba umzombelezo wamanzi. Sebenzisa amagama asendatjaneni ukobana uhlathulule okwenzekako.
  5. Khuyini ukutjhuguluka kwetlayimethi?
  6. Hlathulula iindlela ezintathu ukutjhuguluka kwetlayimethi okuba nomthelela ngakhona emanzini asephasini.
11
Attribution CC BY
Your attribution should include the following:
Title: UNaka noNala bakhuluma ngamanzi
Author/s: Eric Khorombi
Translator/s: Vusi Mahlangu
Illustrator/s: Simon Mokoena
Assurer/s: Sponono Mahlangu
Language: isiNdebele

© Zenex Foundation - Saide 2025

CC BY includes the following elements:
 BY   – Credit must be given to the creator