E ke Ntlokgaso ya RX Radio mo Red Cross Children’s Hospital kwa Motse Kapa.RX Radio ke seteišene sa radio se se tsamaisiwang ke bana, go direla bana. Gantsi ba gasa go tswa kwa ntlokgasong kwa bookelong.Mme fela ka paka ya thibelonakwana ya go se tswele kwa ntle, seteišene se ne se tswetswe.

Yo ke Akhona. Ke mmegakgang wa RX Radio.Ka paka ya thibelonakwana ya go se tswele kwa ntle, Akhona o ne a sa kgone go gatisa lenaneo la gagwe mo RX Radio.Mo lenaneong la gagwe la radio, o botsolotsa batho ka dilo tse di ba amang.O ne a batla go bega ka maitemogelo a bona ka paka ya thibelonakwana ya go se tswele kwa ntle mo motseng wa bona.

Ka lebaka la paka ya thibelonakwana ya go se tswele kwa ntle, Akhona ga a kgona go botsolotsa batho ka namana.Ka jalo, o kopile ba ba nang le diselefounu mo motseng, go mo romela melaetsakgatiso.Mme Akhona, a gatisa lenaneo la gagwe kwa gae ka go dirisa selefounu ya gagwe.E ke mengwe ya melaetsa e a e amogetseng.

Molaetsa wa ga Morutabana Thuli:“Ke tlhoafaletse barutwana ba me thata! Ke na le setlhopha sa motlotlo sa ‘WhatsApp’ le batsadi, moo ke ba romelang tiro teng.Ke ruta mo lefelong la ba ba sa kgoneng mme ga se batsadi botlhe ba fitlhelelang inthanete. Ke kgwetlho.”

Molaetsa wa ga Riaz:“Ke na le tshwenyego ka boitekanelo ba me. Gantsi, batho ba ba sa itekanelang mo mmeleng ba na le itshireletso e e bokoa ya mmele.Ka gore ke nna fela mo setiloteting, ga ke kgone go tlhapa diatla kgapetsakgapetsa, fela balelapa ba nthusa.Ba netefatsa gore ke na le sebolayaditwatsi sa diatla ka dinako tsotlhe.”

Molaetsa wa ga Khethiwe:“Kwa gae re lelapa le legolo, mo go rona go na le badiri ba tlhokego, fela ga ba nne le rona ga jaana.Se re se dirang fela ke go rapelela tshireletsego ya bone, le ya rona tota.”

Molaetsa wa ga Koko Gabbie:“Ga ke morutabana, fela ke tshwanetse go ruta bana ba babedi mo gae. Bana ka bobedi ba tlhoka thuso e e tshwanang.Ka jalo, maemo kwa gae a thata go fetisa. Ka lesego rona, re na le ‘WiFi’ e e sa feleng.

Molaetsa wa ga Buhle:“Paka e ya thibelonakwana ya go se tswele kwa ntle, ga e a nkama thata gonne ke mo gae ka dinako tsotlhe. Ke tswa fela fa ke ya sekolong kgotsa kerekeng.Paka ya thibelonakwana ya go se tswele kwa ntle e nkamile ka gore mowa o o phepa ke o hema fela mo jarateng.”

Molaetsa wa ga Lwazi:“Mathata fela a a tlileng ke sekolo. Ke ne ke tlwaetse go nna le morutabana ka namana fa pele ga me.Go thatanyana go utlwelela morutabana mo mogaleng kgotsa go bogela bidio ya morutabana.”

Akhona o kgetha melaetsa mengwe go e dirisa mo lenaneong la gagwe. Morago, o gatisa lenaneo la gagwe.“Agee, ke nna Akhona, ke bega ke le mo phaposiborobalong. Maemo a modumo a ka tswa a utlwala a sa siama thata!Gompieno, re tla utlwa ka moo batsadi, barutabana le bana ba samaganeng ka teng le paka ya thibelonakwana ya go se tswele kwa ntle…”