Botlalehi nakong ya ho kwalwa
African Storybook
Khanyisa Masemola
Sesotho (South Africa)
Longer paragraphs
Sena ke setudiyo sa seyalemoya sa RX se Red Cross Children’s Hospital Motse Kapa.
-
RX ke seteishene sa seyalemoya se laolwang ke bana mme se hasetsa bana. Hangata ba hasa setudiyong se sepetlele.
-
Ka nako ya ho kwalwa ha naha, setudiyo se ile sa kwalwa.
1
Enwa ke Akhona. Ke moqolotsi wa seyalemoya sa RX.
-
Ha naha e ne kwetswe Akhona ha a ya kgona ho hatisa lenaneo la hae setudiyong.
-
Lenaneong la hae Akhona o intaviuwa batho ka dintho tse ba amang.
-
O ne a batla ho tlaleha ka boiphihlelo ba setjhaba sa habo mabapi le ho kwalwa ha naha.
2
Ka baka la ho kwalwa ha naha, Akhona ha a ya kgona ho botsa batho ka seqo.
-
O ile a kopa batho ho mo romella melaetsa ya lentswe ka mohala wa thekeng.
-
Yaba Akhona o hatisa lenaneo la hae a le hae a sebedisa mohala wa thekeng.
-
Ena ke emeng ya melaetsa eoa e e fumaneng.
3
Molaetsa wa titjhere Thuli:
-
“Ke hopotse baithuti ba ka haholo! Ke entse sehlopha sa WhatsApp le batswadi moo ke ba romellang mosebetsi.
-
Bothata ke hore ke ruta sebakeng sa batho ba futsanehileng, mme ha se batswadi bohle ba kgonang ho fihlella inthanete. Ke phephetso e kgolo.”
4
Molaetsa wa Riaz:
-
“Ke kgathetsehile ka tsa bophelo ba ka bo botle. Hangata, batho ba qhwadileng ba fokollwa ke masole a mmele.
-
Jwaloka motho ya sebedisang setulo se tsamayang, ha ke kgone ho hlatswa matsoho a ka gafetsa, empa ba lelapa la ka ba ya nthusa haholo.
-
Ba etsa bonnete ba ho re ke na le sanithaisa ya matsoho.”
5
Molaetsa wa Khethiwe:
-
“Lelapa leso le leholo haholo, mme re na le basebetsi ba bohlokwa, empa ha ba dule le rona hajwale.
-
Ha re phetse ho rapella polokeho ya bona le ya rona.”
6
Molaetsa wa nkgono Gabbie:
-
“Ha ke titjhere, empa jwale ke tshwanela ho ruta bana ba babedi lapeng. Bobedi ba bona bo hloka tlhokomelo e tshwanang.
-
Ka hoo kgatello ya maikutlo e kgolo lapeng. Ka lehlohonolo la moteaphala re na le WiFi e se nang moedi.”
7
Molaetsa wa Buhle:
-
“Nna ho kwalwa ha ho a nkama haholo hobane ke ntse ke le hae nako tsohle. Ke tswa feela ha ke ya sekolong le kerekeng.
-
Ho kwalwa ha naha ho nkame feela ka hore moya o hlwekileng ha ke o fumane ntle le kajareteng.”
8
Molaetsa wa Lwazi:
-
“Bothata bo boholo bo ho nna e bile sekolo. Ke ne ke tlwaetse ho rutwa ke titjhere ka pela ka.
-
Ho thata ho mamela mohala kapa ho sheba vidiyo ya titjhere.”
9
Akhona o kgetha melaetsa e meng eo a ka e sebedisang lenaneong la hae, ebe o hatisa lenaneo la hae.
-
“Dumelang, ke nna Akhona, ke hatisa ke le kamoreng ya ka. Boleng ba modumo bo ka nna ba se be botle!
-
Kajeno re tla utlwa ka moo batswadi, matitjhere le bana ba sebetsanang ka teng bakeng sa ho kwalwa ha naha…”
10

——Dipotso


  1. Ngola ditlhaloso tsa mabitso ana: bofutsana, masole a mmele, moedi.
  2. Ke phephetso efe eo titjhere Thuli a bileng le yona?
  3. Hobaneng ha Riaz a kgathatsehile ka tsa bophelo bo botle ba hae?
  4. Hobaneng ha nkgono Gabbie a ne a ena le kgatello ya maikutlo?
  5. Ke keletso efe eo o ka efang titjhere Thuli, Riaz le nkgono Gabbie?
11

——


Pale ena e theilwe dirapotong tsa radiyo ya RX. Radio ena ke ya inthanete ya bana.
-
Radiyo RX e haswa ho tswa Red Cross War Memorial Children’s Hospital Motseng wa Kapa.
-
RX e thusa bana ho bua dipale ka ditaba tse ba amang tse bohlokwa ho bona.
-
Ketelo seyalemoyeng sa RX
12
Attribution CC BY
Your attribution should include the following:
Title: Botlalehi nakong ya ho kwalwa
Author/s: African Storybook
Translator/s: Maria Vaz
Illustrator/s: Khanyisa Masemola
Assurer/s: Nthabiseng Tsatsi, Mathapelo Morake
Language: Sesotho (South Africa)

© Zenex Foundation - Saide 2024

CC BY includes the following elements:
 BY   – Credit must be given to the creator