Lihle na Lwandle vha guda nga tshilimo
Glanice Masilo
Khanyisa Masemola
Tshivenḓa
First paragraphs
Lihle na Lwandle vha khou ya ḽaiburari u gudela mulingo.
-
Lihle o lindela Lwandle nnḓa. A mu vhidzelela a ri, “Lwandle, ṱavhanyani!”
1
“Ndo fhedza,” ndi Lwandle a tshi khou vala vothi.
-
Lihle a vhudzisa, “Ndi ngani no ambara zwenezwo zwiambaro? No dzhenwa nga mini, ni a lwala?”
2
Lwandle a mwemwela, “Arali ha nga rothola, ndi ḓo vha ndo zwi lugela!”
-
Lihle ari, “Hu khou fhisa, ndi tshilimo. No ambarela iṅwe khalaṅwaha!”
3
Vhe nḓilani, Lwandle uri, “Hu tshee nga matsheloni, nahone ḓuvha ḽi khou fhisa.”
-
Lihle a fhindula, “Ee ndi ngazwo vhathu vho ambara zwiambaro zwa tshilimo.”
4
Lihle a ṱalutshedza, “Kha heyi khalaṅwaha, ḓuvha ḽi ṱavhanya u ṱavha ḽa lenga u kovhela u fhira dziṅwe khalaṅwaha. Masiari a vha malapfu. Hu a fhisesa nga tshilimo.”
5
“No hangwa zwe mudededzi vha ri vhudza?” Ndi Lihle o dinalea.
-
Lwandle a humbula, a ri, “Ee, nga tshilimo ri nwa nyamunaithi. Ndi khou ṱoḓa nyamunaithi!”
6
Lihle uri, “Tshilimo ri ambara zwiambaro zwi leluwaho. Vhaṅwe vha shumisa zwisambureni u ḓitsireledza kha ḓuvha.”
-
Lwandle u a gungula, “Ni songo ṱavhanyedza, ndi khou swa!”
7
“Vhathu vha khou fhungudza mufhiso bambeloni. Kha ri bambele, ri nga si kone u vhala hu khou fhisesa,” Lwandle u a sea.
-
Lihle u dzungudza ṱhoho.
8
“Ndi funesa gwava na ṋombelo,” ndi Lihle o sedza mitshelo ya tshilimo i rengiswaho.
-
Lwandle a ri, “Ndi na ḓora.”
-
“Dzhiani maḓi,” Lihle a setshelela.
9
“Hu khou fhisesa! Tshilimo tshi fhela lini?” hu femuluwa Lwandle.
-
Lihle a sea, “Ni ḓo ḓowela, tshilimo tsho thoma! Ḽi kha ḓi ḓo gotsha ḓula.”
10

——Mbudziso


  1. Wanani maipfi mararu tshiṱorini a ṱalusaho tshilimo.
  2. Ndi nnyi o ambaraho zwiambaro zwa:
    • vhuriha?
    • tshilimo?
    Ṱalutshedzani phindulo yaṋu.
  3. Naa tshilimo tsha hune na dzula hone tshi fana na tsha tshiṱorini? Ṱalutshedzani.
  4. Ṅwalani zwithu zwivhili zwine ra nga ita u fhugudza mufhiso.
11
Attribution CC BY
Your attribution should include the following:
Title: Lihle na Lwandle vha guda nga tshilimo
Author/s: Glanice Masilo
Translator/s: Doris Manyamalala
Illustrator/s: Khanyisa Masemola
Assurer/s: Tshedza Tlhako
Language: Tshivenḓa

© Zenex Foundation - Saide 2024

CC BY includes the following elements:
 BY   – Credit must be given to the creator