Lihle naLwandle ehlobo
Glanice Masilo
Khanyisa Masemola
Siswati
Longer paragraphs
Lihle naLwandle baya kumtapotincwadzi bayotadishela kubhalwa kwetivivinyo tekuphela kwemnyaka.
-
Lihle ulindze ngaphandle. Umemeta dzadzewabo, “Phangisa, Lwandle!”
1
“Sengicedzile,” kusho Lwandle njengobe avala umnyango wangaphambili.
-
“Utigcoke leni letimphahla leti? Kantsi unani, uyagula?” kubuta Lihle.
2
“Ngentela kutsi nakungenteka kube makhata ngingahlupheki!” kumoyitela Lwandle.
-
Lihle uyaphendvula, “Kusehlobo, futsi kufutfumele lamuhla. Lendlela logcoke ngayo ayihambelani nalesikhatsi semnyaka!”
3
Njengoba bahamba, Lwandle utsi, “Kusesekuseni, kepha selibalele futsi liyashisa.”
-
Lihle uyaphendvula, “Yebo, yingako phela bonkhe bantfu bagcoke timphahla tasehlobo!”
4
Lihle uyachaza, “Kulesikhatsi semnyaka, lilanga liphangisa liphume futsi akusheshi kuhwalale njengaletinye tikhatsi temnyaka. Manyenti ema-awa lelisuke lishisa ngawo. Emazinga ekushisa aba setulu ehlobo.”
5
“Kantsi awusakukhumbuli yini loko lesakutjelwa nguthishela wetfu?” kubuta Lihle ngekuphelelwa sineke.
-
Lwandle uyacabanga, bese atsi, “Yebo, ehlobo sinatsa tinatfo leticandzako. Ngifuna sinatfo lesicandzako!”
6
“Ehlobo, simbatsa timphahla letimelula. Labanye bantfu baphatsa tambulelo kute bativikele elangeni,” kusho Lihle.
-
“Ungajaki, ngiyasha!” kubalisa Lwandle.
7
“Buka, bonkhe bantfu bayabhukusha edamu. Asambe siyobhukusha, ngeke sikhone kutadisha ngobe kushisa kakhulu,” kuhleka Lwandle.
-
Lihle ubuka dzadzewabo bese anikina inhloko.
8
“Ngiyawatsandza emagwava nemalishisi,” kusho Lihle, ubuka titselo tasehlobo letitsengiswako.
-
“Ngomile,” kuphefumula Lwandle.
-
“Tsatsa, ngiwaphetse emanti,” kumomotseka Lihle.
9
“Kushisa kakhulu! Kantsi liphela nini lihlobo?” kukhefutela Lwandle.
-
Lihle uyahleka, “Kutawufanele ukwetayele, ngobe lihlobo lisandza kucala! Emazinga ekushisa asatawukhuphuka.”
10

——Imibuto


  1. Tfola emagama langu-3 endzabeni lachaza lihlobo.
  2. Ngubani logcoke timphahla letifanelana kahle:
    • nebusika?
    • nelihlobo?
    Chaza imphendvulo yakho.
  3. Lihlobo lasendzaweni lohlala kuyo liyafana yini nelihlobo lokukhulunywa ngalo endzabeni? Chaza.
  4. Bhala tintfo letingu-2 lesingatenta kute sitipholise.
11
Attribution CC BY
Your attribution should include the following:
Title: Lihle naLwandle ehlobo
Author/s: Glanice Masilo
Translator/s: Simangele Khoza
Illustrator/s: Khanyisa Masemola
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator