Tito na vanghana a va ri ehandle nivusiku. A va ri eku valangeni.Hi ku copeta ka tihlo, va vonile timboni to tala emoyeni, ku fana na mahahati ya le ndzilweni.A ku ri swimbonana leswi a swi voningela hinkwako laha a va ri kona, swi lumeka swi tima!

Va lumekile timboni ta vona, va ri karhi va ringeta ku vona laha ku lumeka loku ku humaka kona.“Leswi swi fana ni norho. Xana timboni leti i ta ntiyiso? Xana i timboni muni?” ku vutisa Tito.“Kumbexana i swiharhi swa masingita,” ku vula Nomalanga.

Swilo leswi a swi humesa timboni a ku ri switsotswana.Vanghana va sungule ku hlongorisa timboni, va ringeta ku tikhoma.A va lava ku vonela switsotswana ekusuhi swinene.

Tito u kotile ku khoma switsotswana swo hlayanyana kutani a swi hoxa ebodhleleni.“Xana swi vuriwa yini?” ku vutisa Sizwe, a ri karhi a languta bodhlele.“Xana u swi kotisa ku yini endla rivoni?” ku vutisa Tito.

“Xitsotswana i xitsayitsayi. Naswona a hi nhongana, i xifufunhunu,” ku vula sesi wa Tito lonkulu, Gcina.“Rivoni ri huma eka miri wa xitsotswana lowukulu,” a vula.“Ndzi dyondzile hi switsayitsayi exikolweni.

Xitsayitsayi xi sungula vutomi xi ri xivungu, lexi balekaka kusuka eka tandza.Switsayitsayi swa xisati swi tshikela mandza emisaveni. Xivungu xi baleka ehansi ka misava.Xivungu xa kula xi hundzuka xifufunhunu. Swifufunhunu swi na timpapa loko swi sungula ku kasa nemisaveni.

Switsayitsayi swin’wana swi tirhisa swikombo swa mirhi ku koka rinoko eka swa rimbewu rin’wana.Miri wa xitsayitsayi wu endla mirhi lowu endlaka leswaku swi lumeka. Mirhi leyi yi endla rivoni.Switsotswana swi tirhisa rivoni ku kota ku kumana.

“Yoo, u tiva swo tala!” ku vula Tito eka sesi wa yena.Gcina a hlamula, “Ndzi tiva swilo hinkwaswo. Sweswi, i nkarhi wa ku ya etlela, na ku pfumelela switsayitsayi swi haha.”Tito u pfumelerile timboni leti a ti lumekile ku haha ti huma ebodhleleni, ku ya evusikwini.