Tito na khonani dzawe vho vhe vhe nnḓa vhusiku. Vho vha vha tshi khou ita zwithu zwi takadzaho.Nga u ṱavhanya, vha vhona tshedza muyani, u fana na ṱhase dza mulilo.Vho vha vho tangiwa nga tshedza tshi penyaho, tshi tshi tsima na u vhonetshela!

Vha funga thotshi dzavho vha tshi ṱoḓa u vhona hune ṱhase dza bva hone.“Zwi tou fana na muḽoro. Itsho tshedza ndi tsha vhukuma? Ndi mini?” hu vhudzisa Tito.“Khamusi ndi zwivhumbiwa zwa madambi,” hu amba Nomalanga.

Zwivhumbiwa zwine zwa khou bveledza tshedza ho vha hu zwikhokhonono.Khonani dza thoma u pandamedza ayo mavhone maṱuku u itela u a fara.Vho vha vha tshi ṱoḓa u vhona zwavhuḓi hezwi zwikhokhonono.

Tito o kona u bata zwikhokhonono zwi si gathi nahone a zwi dzhenisa kha boḓelo.“Zwi vhidzwa mini?” hu vhudzisa Sizwe, a tshi sedza nga ngomu ha boḓelo.“Zwi kona hani u bveledza tshenetshi tshedza?” hu vhudzisa Tito.

“Hetsho tshikhokhonono ndi tshiṅaiṅai. Nahone a si thunzi ndi tshikhokhonono,” hu amba khaladzi ya Tito, Gcina.“Tshedza tshi bva kha muvhili wa tshikhokhonono,” a tshi amba.“Ndo guda nga ha zwiṅaiṅai tshikoloni!” a tshi engedza.

Tshiṅaiṅai tshi thoma tshi mazhana, tsha thothonya kha kumba.Zwiṅaiṅai zwa tsadzi zwi kudzela makumba mavuni. Mazhana a thothonya fhasi ha mavu.Mazhana a aluwa a thoma u vha zwikhokhonono.Zwikhokhonono zwi na phapha musi zwi tshi bva mavuni.

Zwiṅwe zwiṅaiṅai zwi shumisa siginaḽa dza khemikhaḽa uri dzi kunge zwa iṅwe mbeu.Muvhili wa tshiṋaiṋai u ita khemikhaḽa ine ya ita uri tshi penye. Dzenedzo khemikhaḽa dzi ita tshedza.Zwikhokhonono zwi ṱoḓa tshedza uri zwi ṱangane.

“Yowe, ni a ḓivhesa!” ndi Tito a tshi vhudza khaladzi awe.Gcina a fhindula, “Ndi ḓivha tshiṅwe na tshiṅwe. Zwino ndi tshifhinga tsha uri ri ye u eḓela, ri litshe zwiṅaiṅai zwi fhufhe.”Tito a tendela zwiṅaiṅai zwi tshi fhufha zwa bva kha boḓelo.