Tito nebangani bakhe bebangephandle ebusuku. Bebamane batihambela.Kutsite kusenjalo, babona tibani letinyenti emoyeni, njengetinhlase temlilo.Bekunetibane letincane letikhanyako tibatungeletile, tikhanya tiphindze ticime!

Bakhanyisa emathoshi abo, bebafuna kubona kutsi letinhlase letikhanyako tivela kuphi.“Ngatsi siyabhudza. Kukhanya sibili yini loku? Kukhanya kwani loku?” kubuta Tito.“Mhlawumbe tilwane temlingo,” kusho Nomalanga.

Letilokatane letikhipha kukhanya bekutilwanyana.Labangani bacala kugijimisa lokukhanya lokuncane, betama kukubamba.Bebafuna kutibona kahle letilwanyana.

Tito wakhona kubamba tilwanyana letimbalwa watifaka ebhodleleni.“Tibitwa ngekutsini letilwanyana?” kubuta Sizwe, abuka lelibhodlela.“Tikwenta njani lokukhanya?” kubuta Tito.

“Lesilwanyana lesi kutsiwa yimfenyezi. Asisiyo imphungane, kepha silibhungane,” kuphendvula dzadze waTito lomdzala, Gcina.Waphindze watsi, “Lokukhanya kuvela emtimbeni walesilwanyana.”“Ngafundza ngetimfenyezi esikolweni!” engeta.

Imfenyezi icale ibe sibungu, lesichamiseleka ecandzeni.Timfenyezi letinsikati tibekela emacandza ato emhlabatsini. Tichamisela letibungu ngaphansi kwemhlabatsi.Lesibungu siyakhula sishintje sibe libhungane. Lamabhungane asuke asanetimphiko nakaphuma emhlabatsini.

Lolunye luhlobo lwetimfenyezi lusebentisa emakhemikhali kute tikhange letinye.Umtimba wemfenyezi wakha ikhemikhali leyenta ikhatimule. Lamakhemikhali akha kukhanya.Letilwanyana tibuka lokukhanya nangabe tifunana.

“Hawu, maye vele kunyenti lokwatiko!” Tito atjela dzadzewabo.Gcina uyaphendvula, “Yebo ngati konkhe. Nyalo sesikhatsi sekuyolala, siyekele timfenyezi titindizele.”Tito wakhipha letimfenyezi letikhipha kukhanya ebhodleleni, watikhulula kute tindize ebusuku.