Tito le ditsala tsa gagwe ba ne ba le kwa ntle bosigo. Ba ne ba iketlile ba lebaleba.Ka bonako, ba bona masedi a mantsi mo moweng, jaaka ditlhase tsa molelo.Go ne go le go bakasela ga mabone go ba dikologa, a benyabenya ka go tima le go tuka!

Ba ne ba phatsimisa ditotšhe tsa bona, ba leka go bona motlhodi wa ditlhase tseo.“Se o kare ke toro. A masedi ale ke a nnete? Ke eng?” ga botsa Tito.“Ka gongwe ke ditshedi tsa malepa,” ga bua Nomalanga.

Ditshedi tse di neng di ntsha masedi e ne e le ditshenekegi.Ditsala di ne tsa simolola go lelekisa masedi ao, di leka go a tshwara.Ba ne ba batla go bona ditshenekegi tseo ka bogaufi.

Tito o ne a kgona go tshwara ditshenekegi di se kae, mme a di tsenya mo lebotlolong.“Di bidiwa eng?” ga botsa Sizwe, a lebeletse mo lebotlolong.“Di dira lesedi leo jang?” ga botsa Tito.

“Tshenekegi ele ke senakangwedi. Fela ga se ntsi, ke khukhwane,” ga bua Gcina, ausi wa ga Tito.“Lesedi le tswa mo mmeleng wa tshenekegi,” a tlhalosa.“Ke ithutile ka dinakangwedi kwa sekolong!” a tlatsa.

Senakangwedi se simolola go tshela e le sebokwana, se se thuthugang mo leeng.Dinakangwedi tse di tshegadi di beela mae mo mmung. Dibokwana di thuthugela ka fa tlase ga mmu.Dibokwana di gola le go nna dikhukhwane. Dikhukhwane di na le diphuka fa di gagaba go tswa mo mmung.

Mefuta mengwe ya dinakangwedi e dirisa ditemosi tsa khemikhale go ngoka balekane.Mmele wa senakangwedi o dira khemikhale e e dirang gore e bakasele. Dikhemikhale di dira lesedi.Ditshenekegi di dira lesedi gore di bonane.

“Ijoo, o itse go le gontsi!” Tito a rialo go ausi wa gagwe.Gcina a araba, “Ke itse tsotlhe. Jaanong ke nako ya go robala, go letla dinakangwedi go fofa.”Tito ntsha masedi a a phatsimang mo lebotlolong, a tle a fofe mo bosigong.