Tito le metswalle ya hae ba ne ba le kantle bosiu. Ba ne ba tswile letsholo la tshibollo.Yaba ba bona mabone a mangata lefaufaung a jwaloka dithase tsa mollo.Ba ne ba potapotilwe ke mabonyana a phatsimang a ntseng a panyapanya.

Ba ile ba kgantsha ditotjhe tsa bona ba leka ho sheba hore mahlasedi ana a tswa kae.“Sena e ka re ke toro. Na mabone ao ke a nnete, hona ke a eng?” ho botsa Tito.“Mohlomong ke dipubuwa tsa mohlolo,” ha araba Nomalanga.

Dibupuwa tse neng di kgantsha e ne e le dikokonyana.Metswalle ya qala ho matha kamora mabone ana ba leka ho a tshwara.Ba ne ba batla ho shebisisa dikokonyana tsena.

Tito o ile a kgona ho tshwara dikokonyana tse mmalwa a di kenya ka botlolong.“Di bitswang?” Sizwe a botsa, a shebile ka hara botlolo.“Dietsa kganya yeo jwang?” ho botsa Tito.

“Kokonyana yeo ke senakangwedi. Ha se tshintshi, na ke maleshwane,” ho bua kgaitsedi ya Tito, Gcina.“Kganya e tswa mmeleng wa kokonyana,” a tswela pele.“Ke ile ka ithuta ka dinakangwedi sekolong!” ho rialo Gcina.

Qaleho ya bophelo ba Senakangwedi e ba sebokwana se qhotswang leheng.Dinakangwedi tse tshehadi di behela mahe mobung. Dibikwana di qhotsa ka tlasa mobu.Dibokwana tseo di hola ebe bomaleshwane.Bomaleshwane ba na le mapheho ha ba tswa ka tlasa mobu.

Mefuta e meng ya dinakangwedi e sebedisa dikhemikhale ho hohela balekane.Mmele wa senakangwedi o etsa khemikhale e etsang hore e phatsime. Dikhemikhale ke tsona tse etsang kganya.Dikokonyana tsena di sheba moo kganya e leng teng ho fumana tse ding.

“Kgele, o na le tsebo e ngata ha kana!” Tito a rialo ho kgaitsedi ya hae.Gcina a araba a re, “Ke tseba tsohle. Jwale ke nako ya ho ya robala mme re tlohele dinakangwedi di ifofele.”Tito a lokolla ditlhase tsa kganya tse ka lebotlolong ho re di fofe.