Tito le bagwera ba gagwe ba be ba tšwile bošego. Ba be ba le lesolong la go ithuta le go bona naga.Ka bonako, ba bona mabone a mantši lefaufaung, mabone a go swana le dihlase tša mollo.Mabone a mantši a mannyane a phadima a ba dikologile. Mabone ao, a be a tuka a bile a tima!

Ba ile ba gotetša dithotšhe tša bona, ba leka go bona moo dihlase di tšwago gona.“Se o ka re ke toro. Na mabone ao ke a nnete? Ke mabone a eng?” Tito a botšiša.“Mohlomongwe ke dibopiwa tša maleatlana,” gwa realo Nomalanga.

Dibopiwa tša go tšweletša mabone e be e le dikhunkhwane.Bagwera ba ile ba thoma go rakediša mabone ao a mannyane, ba leka go a swara.Ba be ba nyaka go bona dikhukhwane ka bokgauswi.

Tito o ile a kgona go swara dikhunkhwane di se kae gomme a di tšhela ka lepotlelong.“Na di bitšwa eng?” Sizwe a botšiša, a lebeletše ka gare ga lepotlelo.“Na di dira bjang lebone leo?” Tito a botšiša.

“Khunkhwane yeo ke senakangwedi. Ga se ntšhi, ke kgobaboloko,” sesi wa Tito yo mogolo, Gcina a realo.“Lebone le tšwa mo mmeleng wa khunkhwane,” a realo.“Ke ithutile ka dinakangwedi kua sekolong,” a realo.

Senakangwedi se thoma bophelo e le sebokwana, seo se phaphašago go tšwa leeng.Dinakangwedi tša ditshadi di beela mae mobung. Dibokwana di phaphaša ka fase ga mobu.Dibokwana di a gola, tša tšwela pele ya ba dikgobaboloko.Dikgobaboloko di na le maphego ge di gogoba di etšwa ka mobung.

Mehuta ye mengwe ya dinakangwedi e šomiša dikhemikhale go gokeletša dithaka tša tšona.Mmele wa senakangwedi o dira khemikhale yeo e dirago gore se phadime. Dikhemikhale tšeo di gotetša lebone.Dikhunkhwane tše di lebelela mabone gore di hwetše moo tše dingwe di lego gona.

“Ijoh, o na le tsebo ye ntši!” Tito a realo go sesi wa gagwe.Gcina a fetola, “Ke tseba se sengwe le se sengwe. Bjale ke nako ya go ya maolong, gore re fe dinakangwedi sebaka sa go fofa.”Tito o ile a lokolla dihlase tša mabone tša fofa go tšwa ka lepotlelong.