UTito nabangani bakhe bebazihlalele ngaphandle ebusuku. Babefuna ukubona izinto ezenzeka ebusuku.Kusenjalo babona ukukhanya okuningi kundiza emoyeni, kungathi izinhlansi zomlilo.Kwakukhona izinhlansi zokukhanya zindiza phakathi kwabo zikhanya zibuye zicishe.

Bakhanyisa amathoshi abo befuna ukubona ukuthi ngabe lezi zinhlansi zivelaphi.“Ungathi yiphupho. Ngabe ukukhanya kwangempela lokhu? Kuyini?” kubuza uTito.“Mhlawumbe yizidalwa zomlingo,” kusho uNomalanga.

Lezi zidalwa ezazikhanyisa izinhlansi kwakuyizinambuzane.Abangani baqala ukugijima belandela lezi zinhlansi zokukhanya bezama ukuzibamba.Bebefuna ukuzibonela eduze lezi zinambuzane.

UTito wakwazi ukubamba izinambuzane ezimbalwa wazifaka ebhodleleni.“Zibizwa ngokuthini zona lezi zinambuzane?” kubuza uSizwe ebuka phakathi ebhodleleni.“Zikwenza kanjani ukukhanya?” kubuza uTito.

“Lesi sinambuzane sibizwa ngokuthi ukhanyikhanyi. Asiyona impukane kodwa siyibhungane,” kusho usisi kaTito omdala, uGcina.“Lokhu kukhanya kuvela emzimbeni waso,” kusho yena usisi.“Ngifunda ngokhanyikhanyi esikoleni,” eqhubeka.

Ukhanyikhanyi uqala impilo yawo uyisibungu, esichanyiselwe eqandeni.Ukhanyikhanyi wesifazane uzalela amaqanda enhlabathini.Isibungu sikhula size sibe yibhungane.Ibhungane liphuma emhlabathini selinezimpiko.

Enye inhlobo yokhanyikhanyi isebenzisa uphawu lwamakhemikhali ukuheha omata bawo.Umzimba kakhanyikhanyi wenza ikhemikhali elenza ukuba acwebezele.Lezi nambuzane zibheka ukukhanya ukuze zikwazi ukutholana nomata bazo.

“Habe, wazi lukhulu!” kusho uTito kusisi wakhe.UGcina waphendula, “Ngazi yonke into. Manje yisikhathi sokuyolala uyeke okhanyikhanyi bandize.”UTito wakudedela okungokhanyikhanyi kwaphuma ebhodleleni kwandizela ebumnyameni bobusuku.