UTito nabangani bakhe bebangaphandle ebusuku. Bebanekhambo lokuya ndawana.Msinyazana nje, babona amalerhe amanengi emmoyeni, afana nokutlwebha komlilo.Kwabe kunamalerhe amancani arhanyazelako kiyo yoke indawo, anande akhanya acima!

Bakhanyisa iintotjhi zabo, bazama ukubona bona umlilo otlwebhako lo uphuma kuphi.“Lokhu kufana nebhudango. Ingabe umkhanyo wamalerhe lawa ngewamambala?” kubuza uTito.“Mhlamunye aziindalwa ezinomlingo,” kutjho uNomalanga.

Iindalwa ezikhiqiza amalerhe bekuziinunwana. Abangani bathoma ukugijimisa umkhanyo omncani, bazama ukuwabamba.Bebazama ukuqala iinunwana bazibonele eduze.

UTito wakghona ukubamba iinunwana ezimbalwa bazithatha bazibeka ngebhodlelweni.“Zibizwa ngokuthiwa yini?” kubuza uSizwe aqale ngaphakathi kwebhodlelo.“Ziwenza njani umkhanyo loya?” kubuza uTito.

“Inunwana leya iyipukani yomkhanyo. Begodu ayisiyo ipukani, iyikubabulongwe namkha unombhonge,” kutjho udadabo likaTito omdala uGcina.“Umkhanyo ubuya emzimbeni wenunwana,” kutjho yena.“Ngifunde ngeempukani zomkhanyo esikolweni!” utjho araga.

Ipukani yomkhanyo ithoma ipilo njenge-lava, eqoqhoselako ephuma ngaphakathi kweqanda.Iimpukani zomkhanyo ezisikazi zibekela amaqanda ehlabathini. Isibungu siqhoqhosela ngaphasi ehlabathini.Isibungwesi siyakhula sibe ziinkubabulongwe namkha bonombhonge. Abanombhonge baba neempiko nabakhasako baphumela ngaphandle ehlabathini.

Eminye imihlobo yeempukani zomkhanyo isebenzisa amatshwayo wamakhemikhali ukobana zidose lezo eziduna.Umzimba weempukani zomkhanyo wenza ikhemikhali eyenza bona irhanyazele.Amakhemikhali enza umkhanyo.Iinunwana zifuna amalerhe ukobana zitholane.

“Wu! Wazi izinto ezinengi yi!” kutjho uTito kudadwabo.“Ngazi koke, kuphendula uGcina. Njenganje sekusikhathi sokobana siyokulala, begodu silise iimpukani zomkhanyo nazo ziphaphe.”UTito walisa ukurhanyazela kwamalerhe kusuke ebhodlelweni, kungasatjengisi ukurhanyazela ebusuku.