Ho vha hunga matshelonitsheloni ngei vhugalaphukha, nahone Henny mulanguli wa zwipuka o vha a tshi khou phuga tie.Fhethu ha u ṱhogomela zwipuka, vhalanguli vha ṱhogomela ṋamana dza zwipuka dzi ṱoḓaho ṱhogomelo yo khetheaho. Mulanguli Henny o vha o lindela dokotela wa zwipuka uri a swike.

Dokotela Nosiso ndi dokotela a ongaho zwipuka zwa ḓaka. O vha o dalela vhugalaphukha u ṱola ṋamana dza nngwe tharu dzine dza kha ḓi tou bva u bebwa.Nga murahu ha uri Dokotela Nosiso a dzi ṱole, mulanguli Henny na mulanguli Ann vha dzi ṋea zwiḽiwa.

Musi heḽikhoptha ya vhugalaphuka i tshi khou mona, vhafhufhisi vho vhona ṋamana ya nḓou yo eḓela fhasi. Yo vha yo dzidzivhala.Heḽikhoptha ya dzhia Dokotela Nosiso na mulanguli Henny ya vha isa hune ha vha na ṋamana ya nḓou.

Dokotela Nosiso a ri, “Heyi nḓou i fanela u ya Vhongeloni ha zwipuka nga u bonya ha iṱo!”Vhalanguli vha eḓedza nḓou kha mmbete. Heḽikhoptha ya fhufhisela ṋamana ya nḓou vhuongeloni.

Musi ṋamana ya nḓou i si tsheeho vhuimoni ha shishi, yo iswa fhethu ha u ṱhogomela zwipuka henefho vhugalaphukha.Mulanguli Henny a amba nga vhulenda na ṋamana musi a tshi khou i fha zwiḽiwa, a ri, “A nga vha o fhedza maḓuvha manzhi a sa nwi tshithu.”

Musi vhege dzi tshi khou ḓi ṱanḓulukana, ṋamana yo vha i tshi khou aluwa na u wana maanḓa. Yo aluwa ya vha nḓou ṱhukhu ine ya takalela u tamba mitambo na vhalanguli.Yeneyo nḓou yo vha i tshi funesa mulanguli Henny!

Nga maṅwe madekwana, ṱhiraka ḽo ḓisa ṋamana ya ṱhuḓwa vhugalaphukha.Vhalanguli vhoṱhe vho farisana u itela u isa ṋamana i si na maanḓa fhethu ha u ṱhogomela zwipuka.

Dokotela Nosiso o ṋea ṱhuḓwa mishonga.Vhathu vhoṱhe vho vha vha tshi khou vhilaedziswa nga yeneyi phukha ṱhukhu, ye ya vha i sa koni na u ima.

Musi miṅwedzi i tshi khou ṱanḓulukana, ṋamana ya ṱhuḓwa yo vha i tshi khou aluwa i tshi ya nahone i tshi khou lapfa.Mulanguli Henny o vha a tshi vho tou shumisa tshiṱepisi musi a tshi ṋea zwiḽiwa ṱhuḓwa yeneyi ine ya khou aluwa.

Hu si kale, phukha dzenedzi dzi ḓo humela ngomu vhugalaphukha. Fhedzi zwa zwino, dzi khou ḓiphina nga u tamba dzoṱhe fhethu ha u ṱhogomela zwipuka.Phukha ndi dza ndeme u katela na vhathu vhane vha dzi ṱhogomela.