Imphilo yasesichiwini setilwane
Henny Mthombeni
Magriet Brink
Siswati
First paragraphs
Bekusekuseni kakhulu esichiwini setilwane, kantsi Henny longugadzi wetilwane bekasanatsa litiya lakhe.
-
Enkhulisa, bogadzi betilwane banakekela bantfwana betilwane labadzinga kunakekelwa lokukhetsekile. Henny longugadzi wetilwane bekalindzele kufika kwadokotela wetilwane.
1
Dokotela Nosiso ungudokotela wetilwane lowelapha tilwane tesiganga. Wavakashela sichiwi setilwane kute ahlole badlwane bengulule labatsatfu labasandza kutalwa.
-
Ngemva kwekuba Dkt. Nosiso asabahlolile labadlwane, boHenny na-Ann labagadza tilwane babese babapha kudla.
2
Ngesikhatsi ihelekhoptha yenta luhambo lwekugadza sichiwi setilwane, bashayeli bayo babona litfole lendlovu lilele phansi. Lelitfole belinganyakati.
-
Ihelekhoptha yatsatsa Dkt. Nosiso kanye naHenny longugadzi wetilwane yabayisa kulelitfole lendlovu.
3
“Lendlovu idzinga kuya esibhedlela setilwane masinyane!” kusho Dkt. Nosiso.
-
Bogadzi betilwane babeka lelitfole eluhlakeni. Ihelekhoptha yatsatsa litfole lendlovu yaliyisa esibhedlela.
4
Latsi naselincono litfole lendlovu, labuyela endzaweni yekunakekela tilwane esichiwini.
-
“Kufanele kutsi uchitse emalanga lamanyenti unganatsi emanti,” kusho Henny longugadzi wetilwane ngelivi lelipholile etfoleni njengoba alipha kudla.
5
Ngekuhamba kwemaviki, lelitfole lakhula laba likhulu futsi laba nemandla. Lakhula laba yindlovu lencane lengeva lebeyitsandza kudlala nabogadzi betilwane.
-
Lelitfole lendlovu belimtsandza kakhulu Henny longugadzi wetilwane.
6
Ngalobunye busuku, iloli yaletsa litfole lendlulamitsi leligulako esichiwini setilwane.
-
Bonkhe bogadzi betilwane kwadzingeka basite ekuhambiseni ngekuphepha lelitfole lelibutsakatsaka liye endzaweni yekunakekela tilwane.
7
Dkt. Nosiso wagunyata umutsi lodzingwa yindlulamitsi.
-
Wonkhe umuntfu bekakhatsatekile ngalesilwane lesincane, labesingakwati ngisho nekutimela.
8
Ngemva kwetinyanga, litfole lendlulamitsi lakhula laba nemandla futsi laba lidze.
-
Henny longugadzi wetilwane wacala kusebentisa liladi kute ondle litfole lelikhulako.
9
Ngekushesha, tilwane lesetiphile kahle titobuyela etsafeni lelikhulu Lesichiwi setilwane. Kepha kwanyalo, tijabulela kudlala ndzawonye endzaweni yekunakekela tilwane.
-
Tilwane kanye nabantfu labanakekela tilwane babalulekile.
10
Attribution CC BY
Your attribution should include the following:
Title: Imphilo yasesichiwini setilwane
Author/s: Henny Mthombeni
Translator/s: Mduduzi Benjie Shongwe
Illustrator/s: Magriet Brink
Assurer/s: Simangele Khoza
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator