Ene e le hoseng serapeng sa diphoofolo tse hlaha, ha Henny mohlokomedi wa diphoofolo a ntse a enwa teye.Nesaring, bahlokomedi ba diphoofolo ba hlokomela madinyane a hlokang tlhokomelo e ikgethileng. Henny o ne a lebelletse ngaka ya diphoofolo ho fihla moo.

Ngaka Nosiso ke vete ya diphoofolo tse hlaha. O ne a tjhaketse serapeng sa diphoofolo ho hlahloba madinyane a mararo a matjha a lengau.Ha ngaka Nosiso a qeta ho hlahloba madinyane, Henny mohlokomedi le Ann ba a fepa.

Ha helikoptara e ntse e potoloha, mokganni a bona namane ya tlou e robetse fatshe. Namane e ne e idibane.Helikoptara ya nka ngaka Nosiso le Henny ho ba fofisetsa ho ledinyane la tlou.

“Tlou ena e lokela ho iswa sepetleleng sa diphoofolo ka potlako!” ho rialo ngaka Nosiso.Bahlokomedi ba beha namane seterechareng. Helikoptara ya fofisetsa ledinyane la tlou sepetlele.

Ha namane ya tlou e se e tswile kotsing, ya iswa nesaring.“O tlameha o qetile matsatsi tsatsi o sa nwe letho,” ho rialo Henny ho namane ha a ntse a e fepa.

Ka mora dibekenyana, namane ya hola ya ba matla. Ya hola ele tlou e nyenyane e ratang ho etsa maqiti ho bahlokomedi ba yona.Namane ya tlou e ne e rata mohlokomedi Henny haholo.

Bosiu bo bong lori ya tlisa ledinyana la thuhlo serapeng sa diphoofolo tse hlaha.Bahlokomedi kaofela ba thusa ho isa ledinyana lena le fokolang nesaring.

Ngaka Nosiso a laela meriana e itseng bakeng sa ledinyana la thuhlo.Bohle ba ne ba tshwenyehile ka phoofotswana ena yeo e neng e sa kgone le ho ema feela.

Ka mora dikgwedi, ledinyana la thuhlo la eba matla la e ba lelelele.Mohlokomedi Henny a qala ho sebedisa lere ha a fepa namane ena ya thuhlo.

Haufinyana manamane a tla kgutlisetswa serapeng sa diphoofolo tse hlaha. Ha jwale di thabela ho bapala mmoho tlhokomelong ya madinyana.Dihoofolo di bohlokwa jwalo fela ha batho ba di hlokomelang.