E be e le mesong lešokeng la diphoofolo, mohlokomedi wa lešoka Henry o be a ipshina ka teye ya gagwe.Bahlokomedi ba lešoka ba hlokomela bana ba diphoofolo ka legaeng la go hlokomela bana. Henry, wa mohlokomedi o be a emetše ngaka ya diphoofolo gore e fihle.

Ngaka Nosiso ke yena a alafago diphoofolo tša naga. O be a etela lešoka la diphoofolo go lekola bana ba mapogo.Morago ga gore a lekole bana ba diphoofolo, bahlokomedi Henry le Ann ba di fa dijo.

E rile ge helikoptara ya lešoka e fofa godimo, bafofiši ba yona ba bona namane ya tlou e patlame fase. E be e idibetše.Mofofiši a yo tšea Ngaka Nosiso le Henry a ba fofišetša go yona namane yeo.

“Namane ye e swanetše go išwa bookelong bja diphoofolo ka bjako!” gwa realo ngaka Nosiso.Bahlokomedi ba ile ba nametša namane bolaong. Helikoptara ya fofa ya iša namane bookelong.

Morago ga go fola, namane yela ya boela lešokeng la diphoofolo mo go hlokomelwago dinamane.“O swanetše go ba o feditše matšatši o sa nwe meetse,” Henry a bolela ka boleta a efa namane dijo.

Morago ga dibeke tše mmalwa, namane e be e gotše ebile e tiiletše. E be e le namane ya go seleka ya go rata go dira maleatlana ge e raloka le bahlokomedi.Namane yeo e be e rata Henry kudu.

Bošegong bjo bongwe, llori e ile ya tliša naname ya thutlwa lešokeng la diphoofolo.Bahlokomedi ka moka ba ile ba thuša go fološa namane le go e iša legaeng la go hlokomela bana.

Ngaka Nosiso o ile a ngwala dihlare tšeo di swanetšego gore di fiwe namane.Batho ka moka ba be ba tshwenyegile ka namane ye gobane e be e sa kgone le go ema ka boyona.

Morago ga dikgwedi, namane ya thutlwa ya gola, ya tielela ya ba ye telele.Henry o be a šetše a namela leleri ge a efa dijo.

Diphoofolo tše di tla boela lešokeng e se kgale. Gabjale, di sa ipshina ka go raloka mmogo mo bohlokomelong bja bana.Diphoofolo di bohlokwa go swana le batho bao ba di hlokomelago.