Ipilo esiqhiwini seenyamazama
Henny Mthombeni
Magriet Brink
isiNdebele
Longer paragraphs
Kwabe kusekuseni ngesamarimarima esiqhiwini seenyamazana, umtlhogomeli weenyamazana uHenry wabe aziselela itiye.
-
Ekulisa, abatlhogomeli beenyamazana bebatlhogomela abantwana beenyamazana abafuna itlhogomelo khulu. Umtlhogomeli uHenry bekalinde udorhodera weenyamazana ukobana afike.
1
UDorhodera uNosiso ungudorhodera weenyamazana olapha iinyamazana zommango. Wabe avakatjhele isiqhiwu seenyamazana ukuzokuhlola abantwana abathathu bengwemabala ebasanda ukubelethwa.
-
Ngemva kobana uDorhodera Nosiso ahlole abantwanabo, umtlhogomeli uHenny banomtlhogomeli u-Ann babapha ukudla.
2
Lokha unophehlwana wabatlhogomeli esiqhiwini nabekakhamba phezulu aphosa amehlo, abatjhayeli bakhe babona umntwanyana wendlovu alele phasi. Umntwanyana lo bekatsirimezekile.
-
Unophehlwana wafike wathatha uDorh. Nosiso nomtlhogomeli uHenny wabasa emntwaneni wendlovu.
3
“Indlovu le kufanele ithathwe msinya isiwe esibhedlela seenlwana!” kutjho uDorh. Nosiso.
-
Abatlhogomeli baqubula umntwanyana lo bambeka esitretjhareni. Unophehlwana wathatha umntwanyana wendlovu lo wamrhabisela esibhedlela.
4
Lokha umntwana lo nasele angcono khulu, wathathwa wasiwa ekulisa yesiqhiwini seenyamazana.
-
“Ngabona uhlezi amalanga amanengi khulu ungaseli amanzi,” kutjho umtlhogomeli uHenny endlovini lokha nakayidlisako.
5
Eemvekeni ezimbalwa, umntwanyana wendlovu wakhula waba mkhulu. Wakhula waba yindlovana elelesako ebeyithanda ukudlala ngabatlhogomeli.
-
Umntwanyana wendlovu lo bekamthanda tle umtlhogomeli uHenny!
6
Ngelinye ilanga ebusuku, ithraga yaletha umntwanyana wendlulamithi ogulako esiqhiwini.
-
Kwafuneka bona boke abatlhogomeli beze bazokusiza ukungenisa umntwanyana osibaga lo ekulisa.
7
UDorh. Nosiso wakhupha iinhlahla ukobana indlulamithi le izisele.
-
Boke abantu bebatshwenyekile ngesilwanyana esincani lesi, ebesibhalelwa ngitjho nakujama imbala.
8
Ngemva kweenyangana, umntwanyana lo wakhula waba namandla begodu waba mude.
-
Umtlhogomeli uHenny wathoma ukuthatha isitebhisi ukobana adlise umntwanyana lo.
9
Msinyazana nje, iinlwana nasele zipholile zinepilo bezibuyela emmangweni esiqhiwini. Kodwana okwanje, bezithabela ukudlala ndawonye ekulisa.
-
Iinlwana ziqakathekile begodu nabantu abazitlhogomelako nabo baqakathekile.
10
Attribution CC BY
Your attribution should include the following:
Title: Ipilo esiqhiwini seenyamazama
Author/s: Henny Mthombeni
Translator/s: Sponono Mahlangu
Illustrator/s: Magriet Brink
Assurer/s: William Jiyana
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator