Ri nga si kone u tamba roṱhe
African Storybook
Simon Mokoena
Tshivenḓa
Longer paragraphs
Mudededzi Tshezi na kiḽasi yavho vha khou amba nga dwadze ḽa Covid-19.
-
Vha ri, “Ndi khou ṱoḓa u pfa nga tshifhinga tshe na tshi fhedza ni hayani. Hu na muthu we a kona u ita mushumo hayani musi zwikolo zwo vala?”
1
Dudu u fhindula u thoma, “U guda hayani zwo vha zwi tshi nkonḓela ngauri vhabebi vhanga vho vha vha tshi shuma nahone nṋe ndo vha ndi tshi sala hayani ndi ndoṱhe.”
-
“Na nṋe ndo vha ndi tshi fanela u ita mushumo wa tshikolo ndi ndoṱhe,” hu amba Msizi.
2
U bvela phanḓa, “Ho vha hu si na muthu ane a nga nthusa, ane a nga ṱalutshedza mbudziso na ndaela.”
-
Vhagudiswa vhanzhi vha a tendelana nazwo.
-
“U shumisa inthanethe zwo vha zwi tshi konḓa ngauri datha yo vha i tshi ḓura,” hu amba Dudu.
-
Vhagudiswa vha dovha vha tenda.
3
Ayanda a ri, “Hune nda dzula hone ho vha huna phosho, ndi sa koni u guda.”
-
“Ndo vha ndo takala nga maanḓa musi ri tshi vhudzwa uri ri nga humela tshikoloni,” hu amba Faiza.
-
“Muṅwe na muṅwe o vha o takala,” ndi Msizi a tshi sea.
4
“Ndo vha ndi sa ṱoḓi zwikolo zwi tshi vula,” hu gungula Ayanda.
-
“Ndo vha ndi tshi humbula uri zwithu zwi ḓo fana na kale. Fhedzi zwithu zwo vha zwo shanduka!” ndi Amahle a tshi bvela phanḓa.
5
“A ri sendeli tsini na tsini, ri fanela u ambara dzi ‘mask’, na u shumisa sanithaiza dza zwanḓa,” ndi Isaac a tshi gungula.
-
“Vhadededzi vha dzulela u ri vhudzisa uri, ni khou hoṱola, mukulo waṋu u khou vhavha?” hu amba Ayanda.
6
Kagiso u ita u nga u khou ḓola kha zwanḓa zwawe a ri, “Tshifhinga tshoṱhe musi ni tshi ṅwala kha bodo vha ḓo ni ṋea sanathaiza ya zwanḓa.”
-
“Tshifhinga tshoṱhe ri fanela u fara kubuṱebuṱe ku re na sanathaiza nga ngomu,” Aralo a tshi femela nṱha.
7
“Nga tshifhinga tsha u awela, a zwi tsha fana na kale he ra vha ri tshi tamba roṱhe nahone ra tamba mutambo muthihi,” hu amba Msizi.
-
Ayanda a ri, “Zwi a konḓa ngauri ro ḓowela u tamba na khonani dzashu.”
8
Amahle uri, “Sa vhana, ri takalela vhukonani na u vha na khonani dzashu.”
-
“Fhedzi zwino, a ri tsha kona u tamba na khonani dzashu,” hu amba Dudu.
-
“Zwino ndi mafhungo a u sa vha tsini na tsini,” hu amba Isaac.
9
Mudededzi Tshezi u ri, “Hu na tshanduko nnzhisa.”
-
Fhedzi a ri roṱhe.
-
“Naho zwino ri sa koni u tamba roṱhe, ri nga amba mihumbulo na vhuḓipfi hashu tshifhinga tshoṱhe,” ndi mudededzi a tshi engedza.
10

——Mbudziso


  1. No ḓipfa hani nga u dzula hayani nga tshifhinga tsha nyiledzo ya u tshimbila dzibadani? Ri humbela uri ni ṱalutshedze.
  2. Wanani maipfi a re kha nganea ane a vha mahanedzi a: fhumula, u pfa vhuṱungu, phindulo, leluwa.
  3. Wanani maipfi a re kha nganea ane a amba tshithu tshithihi na: ḓura, vhugudiswa, takala, dziṱhama.
  4. Covid-19 yo kwama hani shango? Ṱalusani.
  5. Ṱalusani phambano vhukati ha dwadze na vhulwadze ha phirela.
  6. Ndi mihumbulo ifhio ine na amba nga hayo na kiḽasi yaṋu?
11

——


Heyi nganea yo thewa kha mivhigo ya RX Radio. RX Radio ndi tshiṱitshi tsha radio ya kha inthanethe, ya vhana na yo itelwaho vhana.
-
RX Radio i hasha i ngei Red Cross War Memorial Children’s Hospital, Cape Town.
-
RX Radio i thusa vhana u amba zwiṱori nga ha mafhungo a ndeme ane a vha kwama.
-
Dalelani RX Radio
12
Attribution CC BY
Your attribution should include the following:
Title: Ri nga si kone u tamba roṱhe
Author/s: African Storybook
Translator/s: Tshedza Tlhako
Illustrator/s: Simon Mokoena
Assurer/s: Doris Manyamalala
Language: Tshivenḓa

© Zenex Foundation - Saide 2025 (Updated Edition)

CC BY includes the following elements:
 BY   – Credit must be given to the creator