Asikhoni kudlala ndzawonye
African Storybook
Simon Mokoena
Siswati
First paragraphs
Thishela Tshezi nebantfwana labasekilasini lakhe bacoca ngelubhubhane lweCOVID-19.
-
Utsi, “Ngifuna ningicocele ngalobekwenteka ngesikhatsi nisemakhaya. Nikhonile yini nonkhe kwenta umsebenti wesikolwa ngalesikhatsi tikolwa tivaliwe?”
1
Dudu uphendvula kucala, atsi, “Bekulukhuni kutadisha ngesikhatsi ngisekhaya, ngobe bengisala ngedvwa batali bami nabaya emsebentini.”
-
“Nami bengiwenta ngingedvwa umsebenti wesikolwa,” kusho Msizi.
2
Uyachubeka, “Bekute umuntfu longangisita, kute lobekangichazela imibuto neticondziso.”
-
Bafundzi labanyenti bayavuma.
-
“Kusebentisa i-intanethi bekulukhuni ngobe idatha iyadula,” kusho Dudu.
-
Bafundzi baphindze bayavuma.
3
Ayanda utsi, “Ekhaya kitsi bekunemsindvo lomnyenti bengingakhoni nekutadisha.”
-
“Ngijabule kakhulu nasitjelwa kutsi sesingabuyela esikolweni,” kusho Faiza.
-
“Wonkhe umuntfu uvele wajabula!” kuhleka Msizi.
4
“Mine bengingafuni tikolwa tivulwe,” kukhononda Ayanda.
-
“Bengicabanga kutsi nasibuyela esikolweni tintfo titobetisafana nasekucaleni. Kepha konkhe sekwehlukile!” kuchubeka Amahle.
5
“Kufanele singasondzelani, sifake tifonyo, futsi sesisebentisa nemasanithayiza,” kubalisa Isaac.
-
“Bothishela bahlale basibuta njalo kutsi, awukhwehleli yini, ubuhlungu yini umphimbo?” kusho Ayanda.
6
Kagiso ushikisha tandla bese utsi, “Njalo nawuyophendvula lokutsite ebhodini batakunika isanithayiza.”
-
“Sesihlale sihamba nemabhodlela nesanithayiza,” ukhokha umoya.
7
“Ngesikhatsi selikhefu esikolweni, sekwehlukile asisakhoni kudlala sonkhe ndzawonye umdlalo lofanako,” kusho Msizi.
-
Ayanda utsi, “Sekulukhuni mbamba, phela tsine bese setayele kudlala nebangani betfu.”
8
Amahle utsi, “Tsine sibantfwana futsi siyakutsandza kuba nebangani siyakutsandza nekucitsa sikhatsi nabo.”
-
“Kepha nyalo, asisakhoni kudlala nebangani betfu,” kusho Dudu.
-
“Nyalo akusasondzelwana,” kusho Isaac.
9
Thishela Tshezi utsi, “Kunyenti lokushintjile.”
-
Kepha kute losele yedvwa.
-
“Nanome singasakhoni kudlala ndzawonye kwanyalo, kepha singakhona kucoca ngalesikucabangako kanye nangendlela lesitiva ngayo,” uyengeta.
10

——Imibuto


  1. Utive njani ngekuhlala ekhaya ngesikhatsi se-lockdown? Chaza.
  2. Tfola emagama kulendzaba laniketa umcondvo lowehlukile wanankha emagama: bindza, phatseka kabi, timphendvulo, melula.
  3. Tfola emagama kulendzaba laniketa umcondvo lofanako wanankha emagama: dulile, bafundzi, jabula, bahlobo.
11

——

-
Lencwadzi yetindzaba isekelwe embikweni wesiteshi semsakato lokutsiwa yi-RX. I-RX Radio siteshi semsakato sebantfwana lesiku-intanethi, lesisungulwe saphindze sakhelwa bantfwana.
-
I-RX Radio isakatela e-Red Cross War Memorial Children's Hospital eKapa.
-
I-RX Radio isita bantfwana bacoce ngetintfo letibalulekile kubo.
-
Vakashela i-RX Radio
12
Attribution CC BY
Your attribution should include the following:
Title: Asikhoni kudlala ndzawonye
Author/s: African Storybook
Translator/s: Simangele Khoza
Illustrator/s: Simon Mokoena
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator