Ga re kgone go tshameka mmogo
African Storybook
Simon Mokoena
Setswana
Longer paragraphs
Morutabana Tshezi le phaposi ya gagwe ba bua ka leroborobo la Covid-19.
-
A re, “Ke batla go utlwa ka ga nako ya lona ya kwa gae. A lotlhe le kgonne go dira kwa gae fa dikolo di tswetswe?
1
Dudu a araba wa ntlha, “Go ithutela kwa gae go ne go le thata, ka gore batsadi ba me ba a dira, nna ke ne ke tlogelwa kwa gae ke le esi,” a rialo.
-
“Ke ne gape ke itirela tirogae,” ga bua Msizi.
2
A tswelela, “Ke ne ke se na yo o nthusang, go se yo o ka ntlhalosetsang dipotso le ditaelo.”
-
Barutwana botlhe ba a dumela.
-
“Go dirisa inthanete go ne go le thata ka gore data e tlhotlhwagodimo,” ga bua Dudu.
-
Baithuti ba a dumela gape.
3
Ayanda a re, “Kwa ke nnang teng go ne go le modumo go ka ithuta.”
-
“Ke ne ke itumetse thata fa re ne re bolelelwa gore re ka boela sekolong,” ga bua Faiza.
-
“Botlhe ba ne ba itumetse!” Msizi a tshega.
4
“Ke ne ke sa batle gore dikolo di bulwe gape,” Ayanda a ngunanguna.
-
“Fa re boela sekolong, ke ne ke solofetse gore tsotlhe di tla nna ka moo di neng di le ka teng pele. Fela dilo tsotlhe di ne di fetogile!” Amahle a tswelela.
5
“Re diragatsa mokgwa wa katogano ya batho, re apara dimmaseke, le go dirisa sebolayaditwatsi sa diatla,” Isaac a ngongorega.
-
“Barutabana ba re botsa ka metlha, a o a gotlhola, a mometso wa gago o botlhoko?” ga bua Ayanda.
6
Kagiso a forogotlha diatla tsa gagwe mme a re, “Nako le nako fa o araba sengwe mo botong o newa sebolayaditwatsi sa diatla.”
-
“Re tshwanetse go tshola lebotlolonyana le le nang le sebolayaditwatsi mo go rona,” a kgwa mowa.
7
“Kwa sekolong ka nako ya go ikhutsa, ga go tshwane le pele fa re ne re nna le go tshameka mmogo,” ga bua Msizi.
-
Ayanda a re, “Go thata thata ka gore re ne re tlwaetse go tshameka mmogo le ditsala tsa rona.”
8
Amahle a re, “Rona re le bana, re rata ditsala le go nna gaufi le ditsala tsa rona.”
-
“Fela jaanong, ga re kgone go tshameka le ditsala tsa rona,” ga bua Dudu.
-
“Jaanong, re tshwanetse go katogana,” ga bua Isaac.
9
Morutabana Tshezi a re, “Go na le diphetogo tse dintsi mme re mmogo”
-
“Le fa re sa kgone go tshameka mmogo gone jaanong, re ka nna ra buisana ka menagano le maikutlo a rona ka metlha,” a tlatsa.
10

——Dipotso


  1. Le ne le ikutlwa jang ka go nna kwa gae ka nako ya paka ya thibelonakwana ya go se tswele kwa ntle? Tlhalosa.
  2. Batla malatodi a mafoko a a latelang mo temaneng: didimetse, tlhoname, dikarabo, bonolo.
  3. Batla makaelagongwe a mafoko a a latelang mo temaneng: turu, baithuti, boitumelo, balekane.
11

——

-
Bukakanelo e ikaegile mo dipegelong tsa RX Radio. RX Radio ke seteišene sa radio ya bana ya inthanete, e dirilwe ke bana e bile e diretswe bana.
-
RX Radio e gasa go tswa mo Red Cross War Memorial Children’s Hospital kwa Motse Kapa.
-
RX Radio e thusa bana go bua dikgang tsa matsapa a botlhokwa go bona.
-
Etela RX Radio
12
Attribution CC BY
Your attribution should include the following:
Title: Ga re kgone go tshameka mmogo
Author/s: African Storybook
Translator/s: Dineo Moatshe
Illustrator/s: Simon Mokoena
Assurer/s: Opelo Thole
Language: Setswana

© Zenex Foundation - Saide 2024

CC BY includes the following elements:
 BY   – Credit must be given to the creator