Ha re kgone ho bapala mmoho
African Storybook
Simon Mokoena
Sesotho (South Africa)
Longer paragraphs
Titjhere Tshezi le baithuti ba hae ba bua ka sewa sa Covid-19.
-
“Ke batla le mpolelle ka nako yeo le e qetileng hae. Na le kgonne ho etsa mosebetsi hae ha dikolo di ne di kwetswe?” titjhere Tshezi o a botsa.
1
Dudu a araba pele, “Ho ithutela hae ho ne ho le boima hobane batswadi ba ka ba ne ba sebetsa mme ke sala ke le mong hae.”
-
“Ke ne ke tshwanela ho etsa mosebetsi wa sekolo hae ke le mong,” ho bolela Msizi.
2
A tswela pele a re, “Ho ne ho se ya nthusang kapa ya ntlhalosetsa dipotso le ditaelo.”
-
Baithuti ba bangata ba dumellana le yena.
-
“Ho sebedisa inthanete ho ne ho le boima hobane data e ne e tura,” ho bolela Dudu.
-
Baithuti ba dumellana hape.
3
Ayanda yena a re, “Heso ho ne ho le lerata haholo mme ke sa kgone ho bala.”
-
“Ke ne ke thabile haholo ha re bolellwa hore re re ka kgutlela sekolong,” ke Faiza yeo.
-
“Bohle re ne re thabile!” ke Msizi a tsheha.
4
“Ke ne ke sa batle dikolo di bulwe,” Ayanda o a honotha.
-
“Ha ke kgutlela sekolong ke ne ke nahana hore ho tla tshwana le pele, empa tsohle di fetohile!” ke Amahle yeo.
5
“Re lokela ho qhela bathong ba bang, re rwale dimaske re sebedise le disanithaisa tsa matsoho,” ho tletleba Isaac.
-
“Matitjhere a hlola re botsa hore na o a kgohlela, na o na le mmetso o bohloko?” ho rialo Ayanda.
6
Kagiso o hohla matsoho a hae mme o re, “Nako e nngwe le e nngwe ha o qeta ho ho ngola letlapeng o fuwa sanithaisa.”
-
“Re lokela ho tsamaya re tshwere lebotlolwana la sanithaisa,” o a fehelwa.
7
“Ka nako ya kgefutso sekolong ha ho sa tshwana le pele moo re neng re ba mmoho mme re bapale papadi e le nngwe,” ho bua Msizi.
-
Ayanda o re, “Ho boima hobane re ne re tlwaetse ho bapala le metswalle ya rona.”
8
Amahle a re, “Rona jwaloka bana re rata metswalle mme ba rata ho ba le metswalle ya rona ka nako tsohle.”
-
“Empa jwale ha re kgone ho bapala le metswalle ya rona,” ho rialo Dudu.
-
“Jwale ke tshielano ya sebaka,” ho rialo Isaac.
9
Titjhere Tshezi a re, “Ho na le diphethoho tse ngata.”
-
Empa re lokela ho tshehetsana.
-
“Le ha re sa kgone ho bapala mmoho hona jwale, re ka kgona ho arolelana maikutlo le menahano ya rona.”
10

——Dipotso


  1. O ikutlwile jwang ka ho dula hae ha naha e ne e kwetswe? Hlalosa.
  2. Batla malatodi a mantswe a latelang paleng: thotse, hloname, araba, bonolo.
  3. Fumana mahlalosonngwe a mantswe ana paleng: theko e boima, barutwana, nyakalletse, balekane.
11

——


Pale ena e theilwe dirapotong tsa radiyo ya RX. Radio ena ke ya inthanete ya bana.
-
Radiyo RX e haswa ho tswa Red Cross War Memorial Children’s Hospital Motseng wa Kapa.
-
RX e thusa bana ho bua dipale ka ditaba tse ba amang tse bohlokwa ho bona.
-
Ketelo seyalemoyeng sa RX
12
Attribution CC BY
Your attribution should include the following:
Title: Ha re kgone ho bapala mmoho
Author/s: African Storybook
Translator/s: Maria Vaz
Illustrator/s: Simon Mokoena
Assurer/s: Nthabiseng Tsatsi, Mathapelo Morake
Language: Sesotho (South Africa)

© Zenex Foundation - Saide 2024

CC BY includes the following elements:
 BY   – Credit must be given to the creator