Angeze sakghona ukudlala soke
African Storybook
Simon Mokoena
isiNdebele
First paragraphs
Utitjhere uTshezi banetlasi yakhe bakhuluma ngomabhubhisa we-Covid-19.
-
Uthi kibo, “Ngifuna ukuzwa bona bekunjani ukuhlala emakhaya. Ingabe noke nje nikghonile ukusebenza emakhaya lokha iinkolo nazivaliweko?”
1
UDudu uphendula ntanzi uthi, “Yo ukufunda ekhaya bekubudisi khulu kimi, ngombana ababelethi bami bayasebenza begodu bebangitjhiya ngedwa ekhaya,” kutjho uDudu.
-
“Nami bengifanele ngizenzele umsebenzi wami wesikolo ngokwami,” kutjho uMsizi.
2
Uragela phambili uthi, “Bekunganamuntu ongangisiza, nginganamuntu ongihlathululela imibuzo nemilayo.”
-
Inengi labafundi lavumelana nalokho.
-
“Ukusebenzisa ithungelelwano nakho bekubudisi ngombana idatha ibiza khulu,” kutjho uDudu. Abafundi nabo bayavuma.
3
U-Ayanda uthi, “Mina ekhaya bekunetjhada khulu ngingakghoni ukufunda.”
-
“Ngathaba khulu nasitjelwa bona sizokubuyela esikolweni,” kutjho uFaiza.
-
“Woke umuntu wabe athabile!” kuhleka uMsizi.
4
“Mina bengingafuni ukobana iinkolo zivulwe,” kububula u-Ayanda.
-
“Ukubuyela esikolweni bengicabanga bona yoke into izabe ifana nangendlela ebeyingakhona ngaphambilini. Kodwana yoke into beyihlukile!” kuraga u-Amahle.
5
"Sizijayeza ukuhlala simaqalanga ngaso soke isikhathi, kufanele simbathe amamaski begodu sisebenzise iinhlwengisi,” kunghonghoyila u-Isaac.
-
“Abotitjhere ngaso soke isikhathi bayasibuza, ingabe uyakhohlela, umphimbo wakho ubuhlungu?” kutjho u-Ayanda.
6
UKagiso uhlikihla izandla zakhe nakaqedako uthi,
-
“Ngaso soke isikhathi nawuphendula into ebhodini bakunikela isihlanzekisi.”
-
“Ngaso soke isikhathi kufanele sibe nebhodlelo elincani elinesihlanzekisi,” utjho abubula.
7
“Esikolweni ngesikhathi sokudla, akusafani naphambilini lapha besizihlalela khona soke sidlale umdlalo munye,” kutjho uMsizi.
-
U-Ayanda uthi, “Kubudisi khulu ngombana besijayele ukudlala nabangani bethu.”
8
U-Amahle uthi, “Thina njengabantwana, sithanda abangani begodu sithanda ukuba hlangana kwabangani bethu.”
-
“Kodwana njenganje, asisakghoni ukudlala nabangani bethu,” kutjho uDudu.
-
“Njenganje sekusikhathi sokuba maqalanga,” kutjho u-Isaac.
9
Utitjhere uTshezi uthi, “Kunamatjhuguluko amanengi.”
-
Kodwana akekho umuntu oyedwa.
-
“Nalokha singeze sakghona ukudlala soke njenganje, singabelana ngemikhumbulo yethu nangemizwa yethu,” utjho angezelela.
10

——Imibuzo


  1. Wazizwa njani ngokuhlala ekhaya ngesikhathi sokuqinteliswa kwamakhambo? Sibawa uhlathulule.
  2. Thola amagama endatjaneni atjho okuphikisanako nalawa: thula, tlhuwa, iimpendulo, lula.
  3. Thola amagama endatjaneni atjho okufanako nalawa: biza khulu, beyihlukile, thaba, abangani.
11

——

-
Indatjana esencwadini le imayelana nemibiko yomRhatjho i-RX. Umrhatjho i-RX kusitetjhi somrhatjho wethungelelwano, wenzelwe abantwana bewusetjenziswa bantwana.
-
UmRhatjho i-RX usebenza ukusuka esibhedlela i-the Red Cross War Memorial Children’s Hospital e-Cape Town.
-
UmRhatjho i-RX usiza abantwana ukobana bacoce iindatjana ngezinto eziqakathekileko kibo.
-
Vakatjhela umRhatjho i-RX
12
Attribution CC BY
Your attribution should include the following:
Title: Angeze sakghona ukudlala soke
Author/s: African Storybook
Translator/s: Sponono Mahlangu
Illustrator/s: Simon Mokoena
Assurer/s: William Jiyana
Language: isiNdebele

© Zenex Foundation - Saide 2024

CC BY includes the following elements:
 BY   – Credit must be given to the creator