Kopano na Lereko vho vha vha tshi khou ḽa zwikontsi zwe mme avho vha vha bakela zwone.Zwenezwo zwikontsi zwo vha zwi na mutoli.

Lereko a vhudzisa mme awe ari, “Mutoli u bva ngafhi?”Mme awe vha ri, “Ṅwana’nga, ṋotshi dzi ita mutoli.”

“Ṋotshi dzi ita mutoli u bva kha maluvha. Dzi kuvhanganya ṋunzwu na muvula kha maluvha,” mma vha a ṱalutshedza.“Ṋotshi dzi phaḓaladza muvula kha maṅwe maluvha.”

“Hezwi zwi vhidzwa u nyanḓadza muvula – u thusa zwimela uri zwi ande nga u phaḓaladza muvula.Muvula u vhumba tshipiḓa tsha mbeu.”

“Ṋotshi dzi tshimbidza muvula u bva kha zwiṅwe zwimela u ya kha zwiṅwe. Dzi anḓadza muvula kha zwimela zwashu,” hu amba mma.“Ṋotshi dzi dovha dza ita zwibveledzwa zwa ndeme.”

“Ndi a zwi ḓivha! Ri wana mutoli u bva kha ṋotshi,” ndi Kopano a tshi amba.Lereko a engedza, “Mutoli u a ḓifhelela!”

“Mutoli u dovha wa shumiswa kha mishonga,” vha ralo mma.“Dziṅwe phiḽisi na phauda dzi re kha mishonga ya tshirema zwo itwa nga zwibveledzwa zwa mutoli.”

“Mutoli u thusa u fhodza mikulo, mukhushwane na duda.”

“Mutoli u thusa u fhodza ntho na lukanda lwo swaho.”

“Fhedzi mutoli a wo ngo lugela vhana vhaṱuku. U nga ita uri vha lwale nga maanḓa,” mma vha a vha sevha.

“Zwino, no vha no thetshelesa? Ndi ngani ṋotshi dzi dza ndeme?” mma vha a vhudzisa.“Dzi phaḓaladza muvula kha zwimela!” hu amba Lereko. “Na u ita mutoli!” ndi Kopano a tshi ralo.

U bva nga ḽeneḽo ḓuvha, Kopano na Lereko vha thoma u ṱhonifha ṋotshi.