Luju
Martha Kekana Mathamela
Tammi Mbambo
Siswati
First sentences
Kopano naLereko bebadla emakhekhe lababhakelwe wona ngumake wabo.
-
Lamakhekhe bekagcwele luju.
1
Lereko wabuta make wabo, “Luchamuka kuphi luju?”
-
“Mntfwanami, tinyosi ngito letenta luju,” kusho make.
2
“Tinyosi tenta luju tilutsatsa etimbalini. Titsatsa inektha lenamfutelako kanye nepholeni nobe imphova etimbalini,” kuchaza make.
-
“Tinyosi tisakata lepholeni iye kuletinye timbali.”
3
“Loko kubitwa ngekutsi kubhahelisa ngemphova –lokusita titjalo kutsi titsele ngekusakata ipholeni.
-
Ipholeni iba yincenye yembewu.”
4
“Tinyosi tisusa ipholeni kulesitjalo tiyiyise kulesinye sitjalo. Tenta titjalo tetfu titsele,” kusho make.
-
“Siphindze sitfole naleminye imikhicito lelusito levela etinyosini.”
5
“Mine ngiyati! Sitfola luju etinyosini,” kusho Kopano.
-
Lereko uyengeta, “Luju luyanongotela futsi lumnandzi!”
6
“Luju luyasetjentiswa nasemitsini,” kusho make.
-
“Leminye imitsi lengemaphilisi naleyiphawuda yemitsi yendzabuko iyimikhicito yeluju.”
7
“Luju lutsambisa umphimbo nawubuhlungu, luphindze lucedze kukhwehlela kanye nemkhuhlane.”
8
“Luju lusita ekwelapheni tilondza kanye nekusha.”
9
“Kodvwa alubaphatsi kahle luju bantfwana labancane kakhulu. Lubenta bagule kabi,” kucwayisa make.
10
“Beningilalele nje? Yini leyenta tinyosi tibaluleke?” kubuta make.
-
“Tenta titjalo titsele!” kusho Lereko.
-
“Tiphindze tente luju!” kusho Kopano.
11
Kusukela ngalelo langa, boKopano naLereko batihlonipha tinyosi.
12
Attribution CC BY
Your attribution should include the following:
Title: Luju
Author/s: Martha Kekana Mathamela
Translator/s: Simangele Khoza
Illustrator/s: Tammi Mbambo
Assurer/s: Mduduzi Benjie Shongwe
Language: Siswati

© Zenex Foundation - Saide 2024

CC BY includes the following elements:
 BY   – Credit must be given to the creator